അബുദാബി: കൊവിഡ് നിയന്ത്രണങ്ങൾ വൻ ഇളവുകളുമായി യുഎഇ. മാര്ച്ച് ഒന്ന് മുതല് പൊതുസ്ഥലങ്ങളില് മാസ്ക് ഒഴിവാക്കാന് യുഎഇ ഭരണകൂടം തീരുമാനിച്ചു. എന്നാല്, അടച്ചിട്ട സ്ഥലങ്ങളില് മാസ്ക് വേണമെന്ന നിബന്ധന തുടരും.
കൊവിഡ് ബാധിതർക്ക് പത്ത് ദിവസം ഐസൊലേഷൻ തുടരും. എന്നാൽ കോവിഡ് ബാധിതരുമായി അടുത്ത ബന്ധം പുലര്ത്തുന്നവര്ക്ക് ക്വാറന്റീന് നിര്ബന്ധമില്ല. അവര് അഞ്ച് ദിവസത്തിനിടെ രണ്ട് പി.സി.ആര് പരിശോധനക്ക് വിധേയമായാൽ മതി.
പള്ളികളില് ഖുര്ആന് കൊണ്ടു വരുന്നതിനുള്ള നിയന്ത്രണവും നീക്കി. ബാങ്കും ഇഖാമത്തിനും ഇടയിലുള്ള സമയ വ്യത്യാസം പഴയ നിലയിലാക്കി. എന്നാല്, പള്ളികളിലെ ഒരുമീറ്റര് അകലം പാലിക്കണമെന്ന നിബന്ധന തുടരുമെന്നും യുഎഇ ദേശീയ ദുരന്ത നിവാരണ സമിതി അറിയിച്ചു.
Discussion about this post