തിരുവനന്തപുരം: തിരുവനന്തപുരത്ത് കെ എസ് ആർ ടി സി ജീവനക്കാർക്ക് സമരക്കാരുടെ മർദ്ദനം. പാപ്പനംകോട് വെച്ചായിരുന്നു സമരക്കാരുടെ പരാക്രമം. അക്രമികൾ ജീവനക്കാരെ ക്രൂരമായി മര്ദിക്കുകയും കണ്ടക്ടറുടെ തലയില് തുപ്പുകയും ചെയ്തു.
അമ്പതോളം സമരക്കാർ ചേർന്നാണ് ജീവനക്കാരെ ആക്രമിച്ചത്. പരിക്കേറ്റ ഡ്രൈവര് സജിയേയും കണ്ടക്ടര് ശരവണനേയും തിരുവനന്തപുരം ജനറല് ആശുപത്രിയില് പ്രവേശിപ്പിച്ചു. തിരുവനന്തപുരത്തു നിന്ന് കളിയിക്കാവിളയിലേക്ക് പോകുകയായിരുന്ന ബസ് ആണ് ആക്രമിക്കപ്പെട്ടത്.
സമരപ്പന്തലില് നിന്ന് ഓടിവന്ന അമ്പതില് അധികം ആളുകള് ബസ് തടഞ്ഞുനിര്ത്തി ജീവനക്കാരെ മര്ദ്ദിക്കുകയായിരുന്നു. സമരാനുകൂലികള് ബസിനുള്ളില് കയറി കണ്ടക്ടറേയും ഡ്രൈവറേയും ചവിട്ടുകയും കണ്ടക്ടറുടെ തലയില് തുപ്പുകയും ചെയ്തു. സ്ഥലത്തുണ്ടായിരുന്ന വിരലിലെണ്ണാവുന്ന പോലീസുകാര് അക്രമികളെ കൈകാര്യം ചെയ്യാൻ തയ്യാറായില്ല.
Discussion about this post