ബംഗലൂരു: കർണാടകയിലെ അടിസ്ഥാന സൗകര്യങ്ങളില്ലാത്ത അറവുശാലകൾക്ക് സർക്കാർ നോട്ടീസ് നൽകി. കശാപ്പിന് മുമ്പ് മൃഗങ്ങളെ ബോധരഹിതമാക്കാൻ സൗകര്യമില്ലെന്ന് ചൂണ്ടികാട്ടിയാണ് നോട്ടീസ്. നോട്ടീസിന് തൃപ്തികരമായ മറുപടി നൽകിയില്ലെങ്കിൽ ഇവയുടെ പ്രവർത്തനാനുമതി റദ്ദാക്കും.
അതേസമയം സംസ്ഥാനത്ത് ഹലാൽ നിരോധനം ആവശ്യപ്പെട്ട് എട്ട് ഹിന്ദു സംഘടനകൾ സംയുക്തമായി കർണാടക സർക്കാരിന് കത്ത് നൽകി. ഹലാല് ഭക്ഷണത്തിനെതിരെ കഴിഞ്ഞ ദിവസം ബജറംഗ്ദള് പ്രവര്ത്തക ലഘുലേഖകള് വിതരണം ചെയ്തിരുന്നു. ഹലാല് ഹോട്ടലുകളില് നിന്നും കടകളില് നിന്നും സാധനങ്ങള് വാങ്ങരുതെന്ന് ചൂണ്ടികാട്ടിയാണ് വീടുകള് കയറി ബജറംഗ്ദള് പ്രവര്ത്തകര് ലഘുലേഖകൾ വിതരണം ചെയ്തത്.
ചിക്കമംഗ്ലൂരുവില് ഹലാല് ബോര്ഡുകളുള്ള ഹോട്ടലുകളിലേക്ക് ബജറംഗ്ദള് പ്രവര്ത്തകര് മാര്ച്ച് നടത്തി. ഹലാല് ബോര്ഡുകള് പ്രവര്ത്തകര് എടുത്തുമാറ്റി. ഉഗാദി ആഘോഷങ്ങള്ക്ക് ഹലാല് മാംസം ബഹിഷ്കരിക്കണമെന്ന് ആഹ്വാനം ചെയ്ത് ഹിന്ദു സംഘടനകള് നേരത്തെ രംഗത്തെത്തിയിരുന്നു.
Discussion about this post