കുവൈത്തിലെ വിജയ് ആരാധകർക്ക് തിരിച്ചടി. വിജയിനെ നായകനാക്കി നെല്‍സണ്‍ സംവിധാനം ചെയ്യുന്ന ബീസ്റ്റിന് കുവൈറ്റില്‍ വിലക്ക് പ്രഖ്യാപിച്ചു. എന്തുകൊണ്ടാണ് ചിത്രം നിരോധിച്ചതെന്ന് കുവൈത്ത് അധികൃതർ വ്യക്തമാക്കിയിട്ടില്ല. ദുൽഖർ സൽമാന്റെ കുറുപ്പിനും കുവൈത്തിൽ വിലക്കുണ്ടായിരുന്നു.
കരുണാനിധി കുടുംബത്തിന്റെ നിയന്ത്രണത്തിലുള്ള സണ്‍ പിക്‌ചേഴ്‌സാണ് ബീസ്റ്റിന്റെ നിര്‍മാതാക്കള്‍. വീര രാഘവന്‍ എന്ന ഇന്ത്യന്‍ ചാരന്റെ വേഷത്തിലാണ് ചിത്രത്തില്‍ വിജയ് എത്തുന്നത്. പൂജ ഹെഗ്‌ഡെയാണ് ചിത്രത്തിലെ നായിക.
സെല്‍വരാഘവന്‍, യോഗി ബാബു, ഷൈന്‍ ടോം ചാക്കോ, വിടിവി ഗണേഷ്, അപര്‍ണ ദാസ്, ലില്ലിപുട്ട് ഫാറൂഖി, അങ്കുര്‍ അജിത് വികാല്‍, സതീഷ് കൃഷ്ണന്‍ എന്നിവര്‍ ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ സംഗീതം അനിരുദ്ധ് രവിചന്ദര്‍ നിര്‍വഹിക്കുന്നു. ഛായാഗ്രഹണം മനോജ് പരമഹംസയും എഡിറ്റിംഗ് ആര്‍. നിര്‍മ്മലും നിര്‍വ്വഹിച്ചിരിക്കുന്നു.
ഏപ്രിൽ 13നാണ് ബീസ്റ്റ് തിയേറ്ററുകളിൽ എത്തുന്നത്.
Discussion about this post