ഡൽഹി: റംസാൻ നോമ്പുകാലത്ത് ഡൽഹി ജല വകുപ്പിലെ മുസ്ലീം ജീവനക്കാർക്ക് രണ്ട് മണിക്കൂർ ഇടവേള അനുവദിച്ചു കൊണ്ടുള്ള സർക്കുലർ സർക്കാർ പിൻവലിച്ചു. അടിയന്തരമായി പ്രസ്തുത ഉത്തരവ് മരവിപ്പിക്കുകയാണെന്ന് അധികൃതർ വ്യക്തമാക്കി.
ഏപ്രിൽ 3 മുതൽ മെയ് രണ്ട് വരെയോ ഈദുൽ ഫിത്തർ വരെയോ ജലവകുപ്പിലെ മുസ്ലീം ജീവനക്കാർക്ക് പ്രതിദിനം രണ്ട് മണിക്കൂർ ഇടവേള അനുവദിച്ചു കൊണ്ടുള്ള ഉത്തരവ് കഴിഞ്ഞ തിങ്കളാഴ്ചയാണ് പുറത്തിറങ്ങിയത്. ഇതിനെതിരെ വ്യാപക പ്രതിഷേധം ഉയർന്നിരുന്നു.
ഒരു പ്രത്യേക വിഭാഗത്തിന് മാത്രം അനുഷ്ഠാനത്തിന്റെ പേരിൽ ജോലിയിൽ ദീർഘകാലം ഇളവ് നൽകുന്നത് മതവിവേചനമാണെന്ന് ഒരു വിഭാഗം ജീവനക്കാർ ആരോപിച്ചിരുന്നു. സാമൂഹിക മാധ്യമങ്ങളിലും ഇത് വ്യാപകമായി ചർച്ച ചെയ്യപ്പെട്ടിരുന്നു.
Discussion about this post