പാലക്കാട്: സംസ്ഥാനത്ത് രാഷ്ട്രീയ അതിക്രമങ്ങൾ വർദ്ധിക്കുമ്പോഴും നിഷ്ക്രിയമായി പൊലീസ്. പാലക്കാട് ആർഎസ്എസ് നേതാവിനെ വെട്ടേറ്റു. ആർഎസ്എസ് മുൻ ശാരീരിക് ശിക്ഷക് പ്രമുഖ് ശ്രീനിവാസനാണ് വെട്ടേറ്റത്.
പാലക്കാട് മേലാമുറിയിൽ വെച്ചാണ് സംഭവം. ശ്രീനിവാസനെ സ്വകാര്യ ആശുപത്രിയില്‍ പ്രവേശിപ്പിച്ചു. ഗുരുതര പരിക്കേറ്റ ശ്രീനിവാസന് ഐസിയുവിലാണ്.
കൈക്കും കാലിനും തലയുടെ ഭാഗത്തും ശ്രീനിവാസന് വെട്ടേറ്റതായാണ് ഒപ്പമുണ്ടായിരുന്നവര്‍ പറഞ്ഞത്. പാലക്കാട്ടെ എസ് കെ ഓട്ടോസ് എന്ന സ്ഥാപനം നടത്തുന്ന ആളാണ് ശ്രീനിവാസൻ. കടയുടെ ഉള്ളില്‍ ഇരിക്കുകയായിരുന്നു ശ്രീനിവാസനെ രണ്ട് ബൈക്കുകളിലായെത്തിയ അഞ്ചംഗം സംഘം ആക്രമിച്ചെന്നാണ് ദൃക്സാക്ഷികൾ പറയുന്നത്.
ഉച്ചയ്ക്ക് ഒരുമണിയോടെ ആയിരുന്നു ആക്രമണം. കഴിഞ്ഞ ദിവസം ഇതേ സമയം എസ് ഡി പി ഐ പ്രവർത്തകൻ സുബൈറിനെ ബൈക്കിലെത്തിയ അജ്ഞാത സംഘം വെട്ടിക്കൊലപ്പെടുത്തിയിരുന്നു. ഒരു മാസം മുൻപ് ആർ എസ് എസ് പ്രവർത്തകൻ സഞ്ജിത്തിനെ എസ് ഡി പി ഐ പ്രവർത്തകർ വെട്ടിക്കൊലപ്പെടുത്തിയിരുന്നു.
Discussion about this post