ഡൽഹി: ജിഹാദികൾക്കെതിരെ സംയുക്ത പോരാട്ടത്തിന് ആഹ്വാനം നൽകി അസം മുഖ്യമന്ത്രി ഹിമാന്ത ബിശ്വ ശർമ്മ. മതതീവ്രവാദികളുടെ പ്രവർത്തനങ്ങളെ കുറിച്ച് കേന്ദ്ര ഏജൻസികൾ നിരന്തരം മുന്നറിയിപ്പുകൾ നൽകുന്നുണ്ട്. അസം സർക്കാർ ഈ വിഷയത്തിൽ കേന്ദ്ര ഏജൻസികളുടെ മുന്നറിയിപ്പുകൾ അക്ഷരം പ്രതി പിന്തുടർന്ന് മുന്നോട്ട് പോകുകയാണെന്ന് അദ്ദേഹം പറഞ്ഞു.
ജിഹാദികൾക്കെതിരായ പോരാട്ടത്തിൽ എല്ലാവരും ഒരുമിച്ച് നിൽക്കേണ്ടത് രാജ്യത്തിന്റെ ആവശ്യമാണ്. ഈ സാഹചര്യത്തിൽ രാജ്യത്തിന്റെ നന്മ ആഗ്രഹിക്കുന്ന സംസ്ഥാനങ്ങൾ ജിഹാദി ഭീകരതയ്ക്കെതിരെ കൈ കോർക്കണമെന്നും ഹിമന്ത ബിശ്വ ശർമ്മ ആവശ്യപ്പെട്ടു.
കഴിഞ്ഞ കുറേ ദിവസങ്ങളായി രാജ്യത്തിന്റെ പല ഭാഗങ്ങളിലും നടക്കുന്ന അക്രമങ്ങളെ കുറിച്ച് മാധ്യമ പ്രവർത്തകരുടെ ചോദ്യങ്ങൾക്ക് മറുപടി നൽകുകയായിരുന്നു ഹിമന്ത ബിശ്വ ശർമ്മ. ശ്രീരാമ നവമി- ഹനുമാൻ ജയന്തി ആഘോഷങ്ങൾക്ക് നേരെ വിവിധ സംസ്ഥാനങ്ങളിൽ നടന്ന ആക്രമണങ്ങളെ പരാമർശിച്ചായിരുന്നു അസം മുഖ്യമന്ത്രിയുടെ പ്രതികരണം.
Discussion about this post