കേന്ദ്രസര്ക്കാരിന്റെ സൈനിക റിക്രൂട്ടമെന്റ് പദ്ധതിയായ അഗ്നിപഥിന് എതിരെ രാജ്യവ്യാപകമായി പ്രതിഷേധം ശക്തമായിരിക്കുന്ന സാഹചര്യത്തില് പരാമര്ശവുമായി ബിജെപി ദേശീയ ജനറല് സെക്രട്ടറി കൈലാഷ് വിജയവര്ഗിയ. ബിജെപി ഓഫീസുകളില് സെക്യൂരിറ്റി ജോലിക്കായി അഗ്നിവീറുകള്ക്ക് മുന്ഗണന നല്കുമെന്നായിരുന്നു അദ്ദേഹത്തിന്റെ പരാമര്ശം.
മധ്യപ്രദേശിലെ ഇന്ഡോറില് മാധ്യമങ്ങളോട് സംസാരിക്കവെയായിരുന്നു പരാമര്ശം. മികച്ച അച്ചടക്കവും അനുസരണയും ഉള്ളവരായിരിക്കും അഗ്നിവീറുകള്. അമേരിക്കയിലും ചൈനയിലും ഫ്രാന്സിലുമെല്ലാം കരാര് അടിസ്ഥാനത്തില് സൈനികരെ റിക്രൂട്ട് ചെയ്യുന്നുണ്ട്. നമ്മുടെ സൈന്യത്തില് റിട്ടയര്മെന്റ് പ്രായം കൂടുതലാണ്. അത് കുറച്ച് കൊണ്ടുവരാനാണ് സര്ക്കാര് തീരുമാനിച്ചിരിക്കുന്നത്. എന്നും അദ്ദേഹം പറഞ്ഞു.
Discussion about this post