ആഗോള കാലാവസ്ഥാ വ്യതിയാനത്തിന്‍റെ ഫലമായി ബ്രിട്ടനില്‍ ഉഷ്ണതരംഗത്തിനുള്ള സാധ്യതയുള്ളതായി കാലാവസ്ഥാ കേന്ദ്രത്തിന്‍റെ മുന്നറിയിപ്പ്. ഉഷ്ണ തരംഗത്തെ നേരിടാൻ സർക്കാർ അടിയന്തര പദ്ധതികൾ തയ്യാറാക്കുന്നതായും റിപ്പോർട്ടുകൾ വ്യക്തമാക്കുന്നു.താപനില 40 ഡിഗ്രി സെൽഷ്യസിൽ എത്തിയാൽ ജീവന് വരെ അപകടം സംഭവിച്ചേക്കാമെന്നാണ് മുന്നറിയിപ്പിൽ പറയുന്നത്. ചൂട് കൂടിയാൽ ‘ഗുരുതരമായ അസുഖമോ ജീവന് അപകടമോ’ ഉണ്ടാകാൻ സാധ്യതയുണ്ടെന്നാണ് റിപ്പോർട്ടിലെ മുന്നറിയിപ്പ്.
താപനിലയില്‍ കാര്യമായ വ്യതിയാനങ്ങളില്ലെങ്കില്‍ ദേശീയ ഉഷ്ണതരംഗ അടിയന്തരാവസ്ഥ പ്രഖ്യാപിക്കാന്‍ സാധ്യതയുണ്ടെന്നും റിപ്പോര്‍ട്ടുകള്‍ പറയുന്നു. “അസുഖവും അനാരോഗ്യവും ഉള്ളവർക്കിടയിൽ മരണം വരെ സംഭവിക്കാം” ചൂട് വളരെ രൂക്ഷമായാൽ യുകെ ഹെൽത്ത് സെക്യൂരിറ്റി ഏജൻസിക്ക് “ലെവൽ ഫോർ എമർജൻസി പ്രഖ്യാപിക്കാമെന്നാണ് മുന്നറിയിപ്പിലെ സൂചന. ചൂട് (40C) ന് മുകളിൽ എത്തിയാൽ, അത് ആദ്യമായി ഒരു ലെവൽ ഫോർ ഹീറ്റ് വേവ് ആകാൻ സാധ്യതയുണ്ടെന്ന് യുകെ ആരോഗ്യ വൃത്തങ്ങൾ സൂചിപ്പിക്കുന്നു. ചൂട് കാരണമുള്ള ആംബർ എക്‌സ്ട്രീം ഹീറ്റ് അലേർട്ട് അടുത്ത തിങ്കളാഴ്ച വരെ നീട്ടി.
