ന്യൂഡൽഹി: രാജ്യത്തിന്റെ വിവിധ കോണുകളിൽ നിന്ന് ഒഴുകിയെത്തിയ ജൻമദിനാശംസകൾക്ക് നന്ദി പറഞ്ഞ് പ്രധാനമന്ത്രി നരേന്ദ്രമോദി. ട്വിറ്ററിലൂടെയാണ് വൈകിട്ട് അദ്ദേഹം സ്‌നേഹാശംസകൾക്ക് നന്ദി അറിയിച്ചത്. ‘നിങ്ങളുടെ സ്‌നേഹം എന്നെ കൂടുതൽ വിനീതനാക്കുന്നു. എന്റെ ജൻമദിനത്തിൽ ആശംസ അറിയിച്ച ഓരോരുത്തരോടും നന്ദി പറയുന്നു’ പ്രധാനമന്ത്രി ട്വിറ്ററിൽ കുറിച്ചു.
ഈ ആശംസകൾ കൂടുതൽ കഠിനമായി പ്രവർത്തിക്കാൻ എനിക്ക് കരുത്തേകുകയാണ്. ഈ ദിവസം വിവിധ സമാജസേവനങ്ങൾക്കായി സമർപ്പിച്ച എല്ലാവരെയും അഭിനന്ദിക്കുന്നു. അവരുടെ നിശ്ചയദാർഢ്യം എടുത്തു പറയേണ്ടതാണ് പ്രധാനമന്ത്രി ട്വിറ്ററിൽ കുറിച്ചു.
ഈ ദിവസം സാമൂഹ്യ, സാമ്പത്തിക, പാരിസ്ഥിതിക മേഖലകളുമായി ബന്ധപ്പെട്ട വിവിധ പരിപാടികളിലായിരുന്നു. ഈ മണ്ഡലങ്ങൾ കേന്ദ്രീകരിച്ച് ഒരുമിച്ച് പ്രവർത്തിച്ചാൽ സുസ്ഥിര വികസനമെന്ന ലക്ഷ്യം നമുക്ക് നേടിയെടുക്കാനാകും. വരുന്ന സമയങ്ങളിൽ ഒരു പക്ഷെ നമുക്ക് കൂടുതൽ കഠിനമായി അധ്വാനിക്കേണ്ടി വരുമായിരിക്കുമെന്നും പ്രധാനമന്ത്രി മറ്റൊരു ട്വീറ്റിൽ പറഞ്ഞു.
ജൻമദിനാശംസകൾ അറിയിച്ച വിദേശ നേതാക്കൾക്കും ഭരണ തലവൻമാർക്കും മോദി പ്രത്യേകം നന്ദി പറഞ്ഞു. ജൻമദിനത്തിൽ നാല് പരിപാടികളിലാണ് പ്രധാനമന്ത്രി പങ്കെടുത്തത്. ബിജെപിയും വിവിധ സംഘപരിവാർ സംഘടനകളും പ്രധാനമന്ത്രിയുടെ ജൻമദിനത്തോട് അനുബന്ധിച്ച് വിവിധ സേവന പ്രവർത്തനങ്ങൾ സംഘടിപ്പിച്ചിരുന്നു.
Discussion about this post