ബിസിനസ് വിജയത്തിനായി ഇപ്പോള് എല്ലാവരും ഡിജിറ്റല് പ്ലാറ്റ്ഫോമിലേക്ക് മാറുകയാണ്. എന്നാല് ഇങ്ങനെ ചെയ്യുമ്പോള് ചില കാര്യങ്ങള് ശ്രദ്ധിക്കേണ്ടതായുണ്ട്. കൃത്യമായ പ്ലാനിംഗ് ഇല്ലാതെ നടത്തുന്ന ഡിജിറ്റല് മാര്ക്കറ്റിംഗ് പോളിസികള് സമ്പൂര്ണ പരാജയമാകാറാണ് പതിവ്.അതിനാല് മികച്ച പഠനത്തിന്റെ അടിസ്ഥാനത്തില് വേണം വേണം ഡിജിറ്റല് മാര്ക്കറ്റിംഗ് ആരംഭിക്കുവാന് ,. ചെറിയ കാര്യങ്ങളിൽ ശ്രദ്ധിച്ചാൽ വലിയ നേട്ടങ്ങൾ ഉണ്ടാക്കാം.
1. കൃത്യമായ പ്ലാനിംഗ്
ഡിജിറ്റല് മാര്ക്കറ്റിങ്ങിന്റെ രൂപരേഖ തയ്യാറാക്കുന്നതിന്റെ മുമ്പ് നിങ്ങളുടെ ബിസിനസ്സ് കൈവരിക്കേണ്ട നേട്ടങ്ങള് എന്തൊക്കെയാണ് എന്ന ഏകദേശ ധാരണ സംരംഭകനുണ്ടാകണം. നിശ്ചിത കാലയളവില് നേടേണ്ട നേട്ടങ്ങളുടെ പട്ടിക മുന്കൂട്ടി തയ്യാറാക്കി അതനുസരിച്ച് പദ്ധതികള് ആവിഷ്കരിക്കണം. എല്ലായ്പ്പോഴും മുന്കൂട്ടി ഒരു ലക്ഷ്യം ആസൂത്രണം ചെയ്താല് മാത്രമേ ബിസിനസിന് ശരിയായ രീതിയില് തന്നെ മുമ്പോട്ടു കൊണ്ട് പോകാന് സാധിക്കുന്നു. സ്ഥാപനത്തിന്റെ ലക്ഷ്യം ബോധ്യപ്പെടുത്തുക , ഉപഭോക്താക്കളുമായുള്ള ആശയവിനിമയം തുടങ്ങിയ കാര്യങ്ങള്ക്ക് ബ്ലോഗുകള്, എസ്.ഇ.ഓ , സോഷ്യല് മീഡിയ, ഇീിലേി േങമൃസലശേിഴ, വെബിനാറുകള് തുടങ്ങിയ പുത്തന് ട്രെന്ഡുകള് സ്വീകരിക്കാം. ഇവക്ക് കൃത്യമായ ഇടവേളകള് പാലിക്കുക
2. കമ്പനി വെബ്സൈറ്റ് നിര്ബന്ധം
ഡിജിറ്റല് ലോകത്ത് വ്യക്തിത്വം ഉറപ്പിക്കുമ്പോള് നിര്ണായകമായ ഒന്നാണ് വെബ്സൈറ്റ്. സ്മാര്ട്ട് ഫോണുകള്, ടാബ്ലെറ്റുകള് തുടങ്ങിയ ആധുനിക ഉപകരണങ്ങളുമായി ഉപഭോക്താക്കള് കൂടുതല് സമയം ചെലവഴിക്കുന്ന ഈ കാലത്ത് വെബ്സൈറ്റ് ഒരു ബ്രാന്ഡ് രജിസ്റ്റര് ചെയ്യുന്നതിന് ഏറെ സഹായിക്കും. ഉപഭോക്താക്കളുമായും സംവദിക്കുന്നതിനുള്ള ഒരു ഉപാധി കൂടിയാണ് വെബ്സൈറ്റുകള്. എന്നാല് വെബ്സൈറ്റുകള് കൃത്യമായി സംരക്ഷിക്കുക എന്നതും ഏറെ പ്രാധാന്യമര്ഹിക്കുന്ന കാര്യമാണ്. ഇത്തരത്തില് നിര്മിക്കുന്ന വെബ്സൈറ്റ് മൊബൈലിലും ഉപയോക്തൃ സൌഹൃദമായിരിക്കണം
3 ബ്ലോഗുകളും വെബിനാറുകളും വീഡിയോകളും
ബ്ലോഗുകളും വെബിനാറുകളും വീഡിയോകളും ഡിജിറ്റല് മാര്ക്കറ്റിംഗ്ലെ ഒഴിവാക്കാനാകാത്ത ചില കാര്യങ്ങളാണ്. വെബ്സൈറ്റിലൂടെ സംപ്രേഷണം ചെയ്യുന്ന സെമിനാറുകളെയാണ് വെബിനാറുകള് എന്ന് പറയുന്നത്. കമ്പനിയുടെ പുതിയ പ്രോഡക്റ്റുകളും സേവനങ്ങളും എന്തൊക്കെയാണെന്നും മറ്റുമുള്ള വിവരങ്ങള് ആളുകളെ അറിയിക്കാനും ഇത് സംബന്ധിച്ച വിശദമായ വിവരങ്ങള് പങ്കുവയ്ക്കാനും ബ്ലോഗുകളും വെബിനാറുകളും വീഡിയോകളും സഹായിക്കും. വെബ്സൈറ്റിലേക്ക് ആളുകളെ ആകര്ഷിക്കാനും ബ്ലോഗുകള് സഹായകമാണ്.
Discussion about this post