2013 ൽ സഹോദരന്മാരയ രജത് ജെയിൻ, മോഹിത് ജെയിൻ എന്നിവർ ചേർന്ന് ഒറ്റമുറി ഫാക്റ്ററിയിൽ തുടക്കം കുറിച്ച ഇൻഡോർ ആസ്ഥാനമായ കിമിരിക ഹണ്ടർ രാജ്യത്തെ ഏറ്റവും മികച്ച ഹോട്ടൽ ടോയ്ലെട്ടറീസ് ശൃംഖലയാണ്. മാനേജ്മെന്റ് പൂർത്തിയാക്കിയിറങ്ങി ഇനിയെന്ത് എന്ന ചോദ്യത്തിന് മുന്നിൽ നിന്നപ്പോൾ മോഹിത്തിന്റെയും രാജ്യത്തിന്റെയും മുന്നിൽ സംരംഭകത്വം എന്ന ഒരൊറ്റ ലക്ഷ്യം മാത്രമാണുണ്ടായിരുന്നത്. എന്നാൽ എന്ത് സ്ഥാപനം തുടങ്ങണം എന്ന കാര്യത്തിൽ ഇരുവർക്കും ആശയക്കുഴപ്പമുണ്ടായി.
ആയുർവേദ ഉൽപ്പന്നങ്ങളുടെ നിർമാണം വരുമാനമാർഗമായിരിക്കുന്ന ഒരു കുടുംബത്തിലെ അംഗങ്ങളായിരുന്നു ഇരുവരും. അതിനാൽ സ്സ്വന്തം സ്ഥാപനം ആയുർവേദവുമായി
ബന്ധപ്പെട്ട ഒന്നായിരിക്കണം എന്ന ചിന്ത ഇരുവർക്കുമുണ്ടായിരുന്നു.
നിരവധി ആയുർവേദ ഉൽപ്പന്നങ്ങളും കോസ്മറ്റിക് ഉൽപ്പന്നങ്ങളും വിപണിവാഴുന്ന സമയമായതിനാൽ തന്നെ ഇനിയൊരു പുതിയ ഉൽപ്പന്നത്തിന്റെ സാധ്യതയെപ്പറ്റി ഇരുവർക്കും സംശയമായിരുന്നു.ചർമരോഗങ്ങൾക്കുള്ള പ്രതിവിധിയായുള്ള ഉൽപ്പന്നങ്ങളാണ് വിപണിയിൽ എത്തിക്കാൻ ശ്രമിച്ചത്. ഏകദേശം പത്തുമാസം വിപണി പഠനത്തിനായി മാറ്റിവച്ചു . ആയുർവേദിക് സോപ്പ്, ഷാംപൂ, ക്രീമുകൾ എന്നിവയെല്ലാമായിരുന്നു ഇരുവരും വിഭാവനം ചെയ്ത ഉൽപ്പന്നങ്ങൾ. ഒരിക്കൽ സംരംഭകത്വ ചർച്ചകളുടെ ഭാഗമായി ഇഅവർക്കും മുംബൈ നഗരത്തിലെ പ്രശസ്തമായ ഒരു പഞ്ചനക്ഷത്ര ഹോട്ടലിൽ താമസിക്കേണ്ടതായി വന്നു. രണ്ടു ദിവസത്തെ ആ ഹോട്ടൽ വാസമാണ് ഇരുവരെയും ഇന്ത്യകണ്ട മികച്ച സംരംഭകരിൽ രണ്ടുപേരാക്കി മാറ്റിയത്.
തീർത്തും അവിചാരിതമായാണ് ഹോട്ടൽ മുറികളിൽ ഉപയോഗിക്കുന്ന സോപ്പ്, ക്രീമുകൾ തുടങ്ങിയ വസ്തുക്കൾ ഉൾപ്പെടുന്ന ടോയ്ലെട്ടറീസ് ഉൽപ്പന്നങ്ങൾ ശ്രദ്ധയിൽ പെടുന്നത്. സാധാരണക്കാരായ ഉപഭോക്താക്കൾക്കിടയിൽ ഒരു സ്ഥാനം കണ്ടെത്താൻ ഒരു പക്ഷെ തങ്ങളുടെ ഉൽപ്പന്നങ്ങൾക്ക് സാധിക്കില്ലായിരിക്കാം, എന്നാൽ താരതമ്യേന ബ്രാൻഡുകൾ കുറവായ ഹോട്ടൽ ടോയ്ലെട്ടറീസ് വിഭാഗത്തിൽ തങ്ങൾക്ക് ഒരു ഭാവി കണ്ടെത്താനാകുമെന്ന് ഇരുവരും പ്രതീക്ഷിച്ചു.
പിന്നെ ഒട്ടും അമാന്തിച്ചില്ല. ഇൻഡോറിൽ മടങ്ങിയെത്തിയ ഇരുവരും ഒരു ഒറ്റമുറി പത്ത് ലക്ഷം രൂപ ബാങ്ക് ലോണിന്റെ 2013 ൽ തന്നെ മാരിയോട്ട് ഹോട്ടൽ ശൃംഖല കിമിരികയുടെ ഉൽപ്പന്നങ്ങൾക്ക് അംഗീകാരം നൽകി. വിവിധ ബ്രാൻഡ് നെയിമുകളിലാണ് കിമിരിക ഹോട്ടൽ ടോയ്ലെട്ടറീസ് വിപണിയിൽ എത്തിച്ചത്. 70 % വരുന്ന ഹോട്ടൽ ടോയ്ലെട്ടറീസ് അതുവരെ വിദേശ വിപണിയിൽ നിന്നാണ് ഇറക്കുമതി ചെയ്തിരുന്നത്.
ഹോട്ടലുകൾക്കായി വ്യത്യസ്തമായ ബ്രാൻഡ് നെയിമുകളിൽ സോപ്പുകൾ, ക്രീമുകൾ, ഷാംപൂകൾ എന്നിവയാണ് കിമിരിക നിർമിച്ചത്. എല്ലാം തന്നെ ആയുർവേദ ഉൽപ്പന്നങ്ങൾ ആയിരുന്നു. ലക്ഷ്വറി ബ്രാൻഡ്, ലൈസൻസ്ഡ് ബ്രാൻഡ്, യൂണിവേഴ്സൽ ഗസ്റ്റ് ആക്സസറീസ് എന്നീ വിഭാഗങ്ങളിലാണ് ഉൽപ്പന്നങ്ങൾ വിപണിയിലെത്തിച്ചത്. ലക്ഷ്വറി വിഭാഗത്തിൽ ദി ഫ്രഞ്ച് നോട്ട്,റോയൽ ഡി കോളറ്റ്, ദി ബ്ലാങ്ക്, ഫൈവ് എലമെൻറ്സ്, ഇഗ്നിസ്, എർത്ത് ,ഫ്ളോറെറ്റ് , എസ്കേപ്പ് എന്നീ ബ്രാൻഡുകളും ലൈസൻസ്ഡ് ബ്രാൻഡ് വിഭാഗത്തിൽ പോർട്ടിക്കോ , ജൂൺ ജേക്കബ്സ്, നെസ്റ്റ്, ടോക്ക, ഫാർമ കോപ്പിയ, അണ്ടർ ദി കനോപ്പി തുടങ്ങിയ ബ്രാൻഫുകളും കിമിരിക വിപണിയിലെത്തിച്ചു.
കൂടുതൽ ഹോട്ടലുകൾ, റിസോർട്ടുകൾ എന്നിവ കിമിരികയുടെ ഉപഭോക്താക്കളായി. ഹോട്ടലുകളുടെയും റിസോർട്ടുകളുടെയും തീം , താൽപര്യം എന്നിവ മുൻനിർത്തി വ്യത്യസ്തമായ ഉൽപ്പന്നങ്ങൾ സംസ്ഥാപനം നിർമിച്ചു. അധികം വൈകാതെ, സ്ഥാപനത്തിലെ തൊഴിലാളികളുടെ എണ്ണം 400 ആയി വർധിച്ചു. മാരിയോട്ട്, ഹിൽട്ടൺ , ഷെറാട്ടൺ തുടങ്ങിയ മുൻനിര ഹോട്ടലുകളിൽ കിമിരിക ഹണ്ടർ തന്റെ സാന്നിധ്യം ഉറപ്പിച്ചു.
നൂറ് ചതുരശ്ര അടി വിസ്തീർണമുള്ള ഫാക്റ്ററിയിൽ നിന്നും 7000 ചതുരശ്ര അടി വിസ്തീർണമുള്ള സ്ഥാപനത്തിലേക്ക് പ്രവർത്തനം വ്യാപിപ്പിച്ചതോടെ കിമിരിക ഹണ്ടർ എന്ന ബ്രാൻഡ് വിജയം കണ്ടു. കേവലം ആറ് വർഷം കൊണ്ടാണ് മൂന്നൂറു കോടി രൂപയുടെ ആസ്തി സ്ഥാപനം നേടി.
Discussion about this post