ദോഹ: ലോകകപ്പ് ഫുട്‌ബോളിന്റെ ക്വാര്‍ട്ടര്‍ ഫൈനലില്‍ അര്‍ജന്റീനയെ നേരിടാന്‍ തെല്ലും ഭയമില്ലെന്ന് നെതര്‍ലന്‍ഡ് ഗോള്‍കീപ്പര്‍. അര്‍ജന്റീനയുടെ സൂപ്പര്‍ താരം ലയണല്‍ മെസിയെ അത്ര പേടിക്കേണ്ട കാര്യമില്ലെന്നാണ് ഗോള്‍കീപ്പര്‍ ആന്‍ഡ്രിസ് നോപ്പര്‍ട്ടിന്റെ പക്ഷം. കളി പെനാലിറ്റി ഷൂട്ടൗട്ടിലേക്ക് നീങ്ങിയാലും താന്‍ ആത്മവിശ്വാസത്തിലാണെന്നും താരം തുറന്നടിച്ചു.
”ഗ്രൂപ്പ് സ്റ്റേജ് മത്സരത്തില്‍ പോളണ്ടിനെതിരെ പെനാലിറ്റി മിസ് ചെയ്യുന്ന മെസിയെ നമ്മള്‍ കണ്ടതാണ്. പിഴവുകള്‍ സംഭവിക്കാവുന്ന ഒരു സാധാരണ മനുഷ്യന്‍. ആ പെനാലിറ്റികള്‍ എനിക്ക് കൈപ്പിടിയില്‍ ഒതുക്കാനാകും, ഞാന്‍ എന്തിനും തയാര്‍”, നോപ്പര്‍ട്ട് പറഞ്ഞു. യുഎസ്എയെ 3-1 ന് തകര്‍ത്തതിന്റെ ആത്മവിശ്വാസത്തിലാണ് ഡച്ച് പട കളത്തിലിറങ്ങുക. ഇന്ന് രാത്രി 12.30 നാണ് അര്‍ജന്റീന- നെതര്‍ലന്‍ഡ് മത്സരം.
Discussion about this post