ലാലേട്ടനൊപ്പം മകന് പ്രണവിന്റെ പാചകപ്പുര ചിത്രങ്ങള് സാമൂഹ്യ മാധ്യമങ്ങളില് തരംഗമാകുന്നു. ഫാന്സ് പേജുകളിലാണ് ചിത്രങ്ങള് പ്രചരിക്കുന്നത്. മോഹന്ലാലും പ്രണവും സാമൂഹ്യ മാധ്യമങ്ങളില് സജീവമാണെങ്കിലും ഇരുവരുമൊത്തുള്ള ചിത്രങ്ങള് ഇല്ലെന്നു പറയാം. ഇരുവരേയും ഒരുമിച്ച് കണ്ടതിന്റെ ആഹ്ളാദത്തിലാണിപ്പോള് ആരാധകര്.
അച്ഛനൊപ്പമുള്ള മകന്റെ രണ്ട് ചിത്രങ്ങളാണ് വൈറലാകുന്നത്. ലാലേട്ടന് പാചകം ചെയ്യുമ്പോള് പ്രണവ് അടുത്തായി നില്ക്കുന്ന ചിത്രവും ഇരുവരും ഒരുമിച്ചിരുന്ന് ഭക്ഷണം കഴിക്കുന്ന ചിത്രവും ആരാധകര് തരംഗമാക്കുന്നുണ്ട്. യാത്രാപ്രേമിയായ പ്രണവ് അടുത്തിടെ സോഷ്യല് മീഡിയയില് പങ്കുവെച്ച വീഡിയോയും ഏറെ ശ്രദ്ധേയമായിരുന്നു.
തൃഷ നായികയാകുന്ന റാം ആണ് മോഹന്ലാലിന്റെ പുതിയ ചിത്രം. മോഹന്ലാല്-ലിജോ ജോസ് പെല്ലിശേരി ഒരുമിക്കുന്ന പുതിയ ചിത്രത്തിന്റെ ടൈറ്റില് നാളെ റിലീസ് ചെയ്യുന്നതിന്റെ ഭാഗമായി ആകാംക്ഷയും അതിലേറെ ആവേശവും നിറച്ചുകൊണ്ടുള്ള ചിത്രങ്ങളടങ്ങിയ പോസ്റ്റുകളാണ് കഴിഞ്ഞ രണ്ടു ദിവസമായി മോഹന്ലാല് തന്റെ അക്കൗണ്ടിലൂടെ പങ്കുവെക്കുന്നത്.
