ന്യൂഡെല്ഹി: ഇന്ത്യയില് എവിടെയിരുന്നും സ്വന്തം മണ്ഡലത്തിലെ വോട്ട് രേഖപ്പെടുത്താനുള്ള സംവിധാനം വികസിപ്പിച്ച് തെരഞ്ഞെടുപ്പ് കമ്മീഷന്. പുതിയ മെഷിന്റെ പ്രോട്ടോടൈപ്പ് ജനുവരി 16-ാം തീയതി രാഷ്ട്രീയ പാര്ട്ടികള്ക്കു മുന്നില് അവതരിപ്പിക്കാനാണ് നീക്കം. ഇതര സംസ്ഥാനങ്ങളില് കുടിയേറിയ തൊഴിലാളികള് അടക്കമുള്ളവര്ക്ക് പുതിയ സംവിധാനം ആശ്വാസമാകും.
സംസ്ഥാനത്തിന് പുറത്തുള്ളവര്ക്ക് വോട്ട് ചെയ്യുന്നതിനായി എം3 ഇലക്ട്രോണിക് വോട്ടിംഗ് മെഷിനാണ് തെരഞ്ഞെടുപ്പ് കമ്മീഷന് വികസിപ്പിച്ചിരിക്കുന്നത്. ഇത് സംബന്ധിച്ച ചര്ച്ചകള്ക്കായി ഏട്ടോളം ദേശീയ പാര്ട്ടികളുടേയും 57 പ്രാദേശിക പാര്ട്ടികളുടേയും യോഗം കമ്മീഷന് വിളിച്ചിട്ടുണ്ട്. പുതിയ വോട്ടിംഗ് മെഷിനെ കുറിച്ചുള്ള കൂടുതല് വിവരങ്ങള് ഈ യോഗത്തിലാകും പുറത്തുവിടുക. പുതിയ നീക്കം സംബന്ധിച്ച് അഭിപ്രായം രേഖപ്പെടുത്താന് ജനുവരി 31 വരെ രാഷ്ടീയ പാര്ട്ടികള്ക്ക് തെരഞ്ഞെടുപ്പ് കമ്മീന് സമയം അനുവദിച്ചിട്ടുണ്ട്. യുവാക്കളുടെ വോട്ട് കുറഞ്ഞതാണ് പുതിയ നീക്കത്തിലേക്ക് കമ്മീഷനെ നയിച്ചതെന്ന് മുഖ്യ തെരഞ്ഞെടുപ്പ് കമ്മീഷണന് രാജീവ് കുമാര് അറിയിച്ചു.
Discussion about this post