മലപ്പുറം: യുവനടൻ ഉണ്ണി മുകുന്ദൻ നായകനായി എത്തിയ മാളികപ്പുറം സിനിമയെ പ്രശംസിച്ച് കുറിപ്പ് പങ്കുവച്ച സിപിഐ നേതാവിന്റെ കട തകർത്തു. സിപിഐ പ്രവർത്തകനും യുവകലാസാഹിതി പൊന്നാനി മണ്‌ലം സെക്രട്ടറിയുമായ സി പ്രഗിലേഷിനാണ് ഈ ദുരവസ്ഥ. മാളികപ്പുറം കണ്ടിറങ്ങിയതിന് പിന്നാലെ സിനിമയെ പ്രശ്‌സിച്ച് ഇയാൾ ഫേസ്ബുക്കിൽ കുറിപ്പിട്ടിരുന്നു.
ഫേസ്ബുക്ക് കുറിപ്പ് പുറത്ത് വന്നതിന് പിന്നാലെ സൈബർ ആക്രമണവുമായി ചിലർ രംഗത്തെത്തി. പ്രഗിലേഷിന്റെ ഉടമസ്ഥതയിലുള്ള എരമംഗലം സെന്ററിലെ ശോഭ ലൈറ്റ് ആൻഡ് സൗണ്ട് എന്ന സ്ഥാപനത്തിനുനേരെ ആക്രമണമുണ്ടായി.ലൈറ്റുകൾ സൂക്ഷിച്ചിരുന്ന പെട്ടികൾ, ക്ഷേത്രോത്സവങ്ങൾക്കായി തയ്യാറാക്കിയ സ്വാഗതബോർഡുകൾ തുടങ്ങിയവ രാത്രിയിൽ തീവെച്ചു നശിപ്പിച്ചിരുന്നു. തിങ്കളാഴ്ച രാവിലെ കട തുറക്കാനെത്തിയപ്പോഴാണ് ഇതു ശ്രദ്ധയിൽപ്പെട്ടത്. പെരുമ്പടപ്പ് പോലീസിൽ പരാതി നൽകിയിട്ടുണ്ട്.
ഇതിനിടയിൽ പ്രഗിലേഷിനെതിരെ സി.പി.എം. അനുഭാവിയും നരണിപ്പുഴ റോഡരികിൽ ചായക്കട നടത്തുന്നയാളുമായ ഭഗവാൻ രാജൻ എന്നയാൾ മറുകുറിപ്പുമായി രംഗത്തുവന്നത് കാര്യങ്ങൾ കൂടുതൽ വഷളാക്കി.
Discussion about this post