ന്യൂഡൽഹി: ഹിന്ദുവിരുദ്ധ പരാമർശവുമായി വീണ്ടും വയനാട് എം പി രാഹുൽ ഗാന്ധി. ബിജെപി പൂജകളുടെ പാർട്ടിയാണ്. ഇത് പൂജകളുടെയും പൂജാരിമാരുടെയും നാടല്ലെന്നായിരുന്നു ഭാരത് ജോഡോ യാത്രയ്ക്കിടയിലെ രാഹുൽ ഗാന്ധിയുടെ പരാമർശം.
ആർ എസ് എസ് ജനങ്ങളെ നിർബന്ധപൂർവം പൂജകളിൽ പങ്കെടുപ്പിക്കുന്നതായും രാഹുൽ ഗാന്ധി ആരോപിച്ചു. ബിജെപിയുടെ പൂജകളെ നേരിടാൻ ലക്ഷക്കണക്കിന് ജനങ്ങൾ കോൺഗ്രസിനൊപ്പം ഭാരത് ജോഡോ യാത്രയിൽ അണിനിരക്കുകയാണെന്നും ഹരിയാനയിൽ രാഹുൽ ഗാന്ധി അവകാശപ്പെട്ടു.
മാദ്ധ്യമ പ്രവർത്തകർക്ക് മുന്നിൽ സ്വയം മഹാഭാരതത്തിലെ അർജുനനോട് താരതമ്യം ചെയ്ത രാഹുൽ സാമൂഹിക മാദ്ധ്യമങ്ങളിൽ ട്രോളുകളും ഏറ്റുവാങ്ങി. മീനിന്റെ കണ്ണിൽ അമ്പെയ്യുമ്പോൾ തന്റെ ലക്ഷ്യങ്ങൾ അർജുനൻ ആരോടും പറഞ്ഞിരുന്നില്ല. അതുപോലെ തനിക്കും ചില ലക്ഷ്യങ്ങളുണ്ട്. ഇപ്പോൾ അത് ആരോടും പറയുന്നില്ല. സമയമാകുമ്പോൾ ചെയ്ത് കാണിക്കുമെന്നും രാഹുൽ ഗാന്ധി പറഞ്ഞു.
Discussion about this post