കീവ്: റഷ്യൻ പ്രധാനമന്ത്രി വ്ളാഡിമിർ പുടിൻ ജീവിച്ചിരിപ്പുണ്ടോയെന്ന ചോദ്യവുമായി യുക്രെയ്ൻ പ്രസിഡന്റ് വ്ളോഡിമർ സെലൻസ്കി. എന്തിനെ കുറിച്ചാണ് സംസാരിക്കേണ്ടത്, എന്താണ് സംസാരിക്കേണ്ടത്, ആരോടാണ് സംസാരിക്കേണ്ടത് എന്നൊന്നും എനിക്കറിയില്ല. ചിലപ്പോൾ സ്ക്രീനിൽ പ്രത്യക്ഷപ്പെടുന്നത് പുടിൻ തന്നെയാണോ എന്നതിൽ ഉറപ്പില്ല. തീരുമാനം എടുക്കുന്നത് പുടിൻ തന്നെയാണോ അതോ മറ്റാരെങ്കിലുമാണോ എന്ന് ഉറപ്പില്ലെന്നും ജീവിച്ചിരിപ്പുണ്ടോ എന്ന് അറിയില്ലെന്നുമായിരുന്നു സെലൻസ്കിയുടെ പരമാർശം, ദാവോസിൽ നടന്ന വേൾഡ് എക്കണോമിക് ഫോറത്തിന്റെ പരിപാടിയിൽ സംസാരിക്കുമ്പോഴാണ് സെലൻസ്കിയുടെ ഈ പരാമർശം.
സെലൻസ്കിയുടെ പരാമർശത്തിന് പിന്നാലെ റഷ്യൻ വക്താവ് ദിമിത്രി പെസ്കോവ് രംഗത്തെത്തി. യുക്രെയ്നും സെലൻസ്കിയ്ക്കും വലിയ പ്രശ്നമാണ് റഷ്യയും പുടിനും. റഷ്യയും പുടിനും നിലനിൽക്കുന്നുവെന്നും നിലനിൽക്കുമെന്നും വൈകാതെ സെലൻസ്കി അത് മനസിലാക്കുമെന്നും അദ്ദേഹം പറഞ്ഞു.റഷ്യയും പുടിനും ഇനിയും നിലനിൽക്കുമെന്ന് സെലൻസ്കി എത്രയുംപെട്ടെന്ന് തിരിച്ചറിയുന്നതാകും യുക്രൈനെ പോലെ ഒരു രാജ്യത്തിനു നല്ലതെന്ന് അദ്ദേഹം കൂട്ടിച്ചേർത്തു.
