തിരുവനന്തപുരം: തദ്ദേശ സ്വയംഭരണ തെരഞ്ഞെടുപ്പിന്റെ വോട്ടെടുപ്പ്, വോട്ടെണ്ണല്‍ ദിവസങ്ങളില്‍ സംസ്ഥാനത്തു ഡ്രൈ ഡേ പ്രഖ്യാപിച്ചു. ഡ്രൈ ഡേ ദിനങ്ങളില്‍ മദ്യം വിപണനം ചെയ്യുന്ന കടകള്‍, ഹോട്ടലുകള്‍, റസ്റ്ററന്റുകള്‍, ക്ലബുകള്‍, മറ്റു സ്ഥാപനങ്ങള്‍ എന്നിവിടങ്ങളിലൂടെ മദ്യം വിതറണം ചെയ്യാന്‍ അനുവദിക്കില്ല. മദ്യം സൂക്ഷിച്ചു വയ്ക്കുന്നതിനും അനുമതിയില്ല.
തിരുവനന്തപുരം, കൊല്ലം, ഇടുക്കി, കോഴിക്കോട്, വയനാട്, കണ്ണൂര്‍, കാസര്‍കോഡ് ജില്ലകളില്‍ ഒക്ടോബര്‍ 31നു വൈകിട്ട് അഞ്ചു മുതല്‍ നവംബര്‍ രണ്ടിനു വൈകിട്ട് അഞ്ചു വരെയും നവംബര്‍ അഞ്ചിനു വോട്ടെടുപ്പ് നടക്കുന്ന പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്‍, പാലക്കാട്, മലപ്പുറം ജില്ലകളില്‍ മൂന്നിനു വൈകിട്ട് അഞ്ചു മുതല്‍ അഞ്ചിനു വൈകിട്ട് അഞ്ചു വരെയും ഡ്രൈഡേ ആയിരിക്കും.
വോട്ടെണ്ണല്‍ ദിനമായ നവംബര്‍ ഏഴിന് സംസ്ഥാനമൊട്ടാകെ ഡ്രൈ ഡേ ആയിരിക്കും. പോളിങ് ഏരിയയ്ക്കു ചുറ്റുമുള്ള ഹോട്ടല്‍, സത്രം, കടകള്‍ തുടങ്ങിയ പൊതു, സ്വകാര്യ ഇടങ്ങളില്‍ മദ്യമോ ലഹരി വസ്തുക്കളോ വില്‍ക്കാനോ വിതരണം ചെയ്യാനോ പാടില്ലെന്നും നിര്‍ദേശമുണ്ട്.
Discussion about this post