സ്ത്രീകളിൽ അവരുടെ പ്രത്യുല്പാദനത്തിന്റെ ഭാഗമായി നടക്കുന്ന ജൈവ പ്രക്രിയയാണ് ആർത്തവം. എന്നാൽ പലർക്കും ആർത്തവദിനങ്ങൾ വളരെ വേദനയേറിയതായിരിക്കും. ഭക്ഷണരീതിയിൽ ചില മാറ്റങ്ങൾ വരുത്തിയാൽ ഒരു പരിധി വരെ വേദന കുറയ്ക്കാൻ കഴിയും
ചോക്ളേറ്റ്
ആർത്തവദിനങ്ങളിലെ വേദന കുറയ്ക്കാൻ ചോക്ളേറ്റിന് കഴിയുമെന്ന് പലരും പറഞ്ഞു കേട്ടിട്ടില്ലേ. ആർത്തവസമയത്ത് ശരീരത്തിന് ഊർജ്ജം നൽകാൻ ഡാർക്ക് ചോക്ളേറ്റിൽ അടങ്ങിയിട്ടുള്ള ആയേണിനും മഗ്നീഷ്യത്തിനും സാധിക്കും. ഹോട്ട് ചോക്ളേറ്റ് കുടിക്കുന്നത് മാനസികാവസ്ഥ മെച്ചപ്പെടുത്താനും വേദന കുറയ്ക്കാനും സഹായിക്കും.
ഓറഞ്ച്
വെറ്റമിൻ സി, മഗ്നീഷ്യം,പൊട്ടാസ്യം,വൈറ്റമിൻ ഡി എന്നിവയാൽ സമ്പുഷ്ടമായ ഓറഞ്ച് ആർത്തവസമയത്ത് മികച്ച വേദനസംഹാരിയായി പ്രവർത്തിക്കുന്നു.
ഡ്രൈഫ്രൂട്ട്സ്, നട്ട്സ്
കറുത്തമുന്തിരി, അണ്ടിപ്പരിപ്പ്, ബദാം തുടങ്ങിയ ഡ്രൈ ഫ്രൂട്ടുകൾ ആർത്തദിനത്തിൽ കഴിക്കുന്നത് നല്ലതാണ് ഇത് രക്തചംക്രമണത്തെ സഹായിക്കുക.ും ആർത്തവചക്രം ക്രമീകരിക്കാൻ സഹായിക്കുകയും ചെയ്യുന്നു.
ഇഞ്ചി
ആർത്തവസമയത്ത് അസ്വസ്ഥത ഉണ്ടാക്കുന്ന പ്രോസ്റ്റാഗ്ലാൻഡിൻസിന്റെ ഉത്പാദനം കുറയ്ക്കാൻ ഇഞ്ചി സഹായിക്കും. പ്രീമെൻട്രൽ സിൻഡ്രോമുമായി ബന്ധപ്പെട്ട അലസതയെ ചെറുക്കാനും ഇഞ്ചിയുടെ ഉപഭോഗം സഹായിക്കും.
പച്ചിലകൾ
അയേൺ,മഗ്നീഷ്യംകാൽഷ്യം എന്നിവയാൽ സമ്പന്നമായ പച്ചിലക്കറികൾ കഴിക്കുന്നത് ശരീരത്തിന് ഊർജ്ജം നൽകും.
ചൂടുള്ള ചായ
ചായ നിങ്ങളുടെ തലച്ചോറിലെ സമ്മർദ്ദം കുറയ്ക്കുന്നതിനുള്ള ഒരു മികച്ച പ്രതിവിധിയാണ്. വേദന ശമിപ്പിക്കുന്ന ആന്റി ഓക്സിഡന്റ് ഗുണങ്ങൾ ചായയിലുണ്ട്
സൂര്യപ്രകാശം
വിദഗ്ദ്ധരുടെ അഭിപ്രായത്തിൽ സൂര്യപ്രകാശത്തിന് പ്രോസ്റ്റാഗ്ലാൻഡിൻ എന്ന രാസവസ്തുവിന്റെ ഉൽപാദനം കുറയ്ക്കുന്നതിനുള്ള ഗുണങ്ങളുണ്ട്
Discussion about this post