ഇറാൻ: തുർക്കി അതിർത്തിക്ക് സമീപം വടക്കുപടിഞ്ഞാറൻ ഇറാനിൽ ശക്തമായ ഭൂചലനം. വടക്ക് പടിഞ്ഞാറൻ നഗരമായ കോയിലാണ് റിക്ടർ സ്കെയിലിൽ 5.9 തീവ്രത രേഖപ്പെടുത്തിയ ഭൂചലനം ഉണ്ടായത്. ഏഴ് പേർ മരിച്ചതായാണ് പ്രാഥമിക വിവരം. 440ഓളം പേർക്ക് പരിക്കേറ്റതായും ഇറാനിയൻ മാദ്ധ്യമങ്ങൾ റിപ്പോർട്ട് ചെയ്തു. തുർക്കി അതിർത്തിയോട് ചേർന്നുള്ള ഇറാന്റെ പ്രധാന നഗരമാണ് കോയി.
പ്രദേശത്ത് ഇപ്പോഴും രക്ഷാപ്രവർത്തനം പുരോഗമിക്കുകയാണ്. ഭൂചലനമുണ്ടായ പ്രദേശങ്ങളിൽ പലയിടത്തും കനത്ത മഞ്ഞുവീഴ്ചയാണെന്നത് രക്ഷാപ്രവർത്തനത്തെ സാരമായി ബാധിച്ചിട്ടുണ്ട്. പ്രദേശത്തെ വൈദ്യുതി ബന്ധം പൂർണമായി വിച്ഛേദിക്കപ്പെട്ടതായി ഉദ്യോഗസ്ഥർ പറയുന്നു. അതേസമയം അപകടത്തിൽ മരിച്ചവരുടെ എണ്ണം ഇനിയും ഉയരാൻ സാദ്ധ്യതയുണ്ടെന്നും, ആശുപത്രികൾ പൂർണ തോതിൽ സജ്ജമാക്കിയതായും ഉദ്യോഗസ്ഥർ വ്യക്തമാക്കി.
Discussion about this post