ന്യൂഡൽഹി: ബിബിസിയുടെ ഡൽഹി,മുംബൈ ഓഫീസുകളിലെ സർവ്വേയിൽ പ്രതികരണവുമായി ബിജെപി.ഇന്ത്യാവിരുദ്ധ പ്രൊപ്പഗണ്ടയാണ് ബിബിസി നടപ്പാക്കുന്നത്. തെറ്റുകളൊന്നും ചെയ്തിട്ടില്ലെങ്കിൽ സർവ്വേയെ എന്തിനാണ് ഭയക്കുന്നതെന്ന് ബിജെപി വക്താവ് ഗൗരവ് ഭാട്ടിയ ചോദിച്ചു. ലോകത്തിലെ ഏറ്റവും അഴിമതി നിറഞ്ഞ കോർപ്പറേഷൻ എന്ന് അദ്ദേഹം കൂട്ടിച്ചേർത്തു.
നിങ്ങൾ രാജ്യത്തെ നിയമം പാലിക്കുന്നുണ്ടെങ്കിൽ, നിങ്ങൾക്ക് മറയ്ക്കാൻ ഒന്നുമില്ലെങ്കിൽ ഭയപ്പെടേണ്ടതില്ല.ഉദ്യോഗസ്ഥരെ അവരുടെ ജോലിചെയ്യാൻ അനുവദിക്കണം. സർക്കാർ ഏജൻസികൾ ഇപ്പോൾ കൂട്ടിലിട്ട തത്തയല്ലെന്നും അദ്ദേഹം കൂട്ടിച്ചേർത്തു. വിഷം ചീറ്റാത്തിടത്തോളം കാലം എല്ലാ സ്ഥാപനങ്ങൾക്കും പ്രവർത്തിക്കാൻ അവസരം നൽകുന്ന രാജ്യമാണ് ഇന്ത്യയെന്ന് അദ്ദേഹം വ്യക്തമാക്കി.
ഇന്ത്യാവിരുദ്ധ പ്രൊപ്പഗണ്ടയാണ് ബിബിസി നടപ്പാക്കുന്നത്. കോൺഗ്രസിനും ബിബിസിക്കും ഒരേ അജണ്ടയാണുള്ളത്. എന്തുകൊണ്ടാണ് കോൺഗ്രസ് എല്ലായ്പ്പോഴും ഇന്ത്യാവിരുദ്ധർക്കൊപ്പം നിൽക്കുന്നതെന്നും ഗൗരവ് ഭാട്ടിയ ചോദിച്ചു.മുൻ പ്രധാനമന്ത്രി ഇന്ദിരാ ഗാന്ധി ബിബിസിയെ നിരോധിച്ചിട്ടുണ്ട് എന്ന കാര്യം കോൺഗ്രസ് ഓർമിക്കണമെന്നും അദ്ദേഹം പറഞ്ഞു.
Discussion about this post