കേപ് ടൗൺ: വനിതാ ട്വന്റി 20 ലോകകപ്പിൽ ഇന്ത്യക്ക് തുടർച്ചയായ രണ്ടാം ജയം. ന്യൂലാൻഡ്സിൽ നടന്ന മത്സരത്തിൽ വെസ്റ്റ് ഇൻഡീസിനെ 6 വിക്കറ്റിനാണ് ഇന്ത്യ പരാജയപ്പെടുത്തിയത്.
ടോസ് നേടി ബാറ്റിംഗ് തിരഞ്ഞെടുത്ത വെസ്റ്റ് ഇൻഡീസ് 20 ഓവറിൽ 6 വിക്കറ്റ് നഷ്ടത്തിൽ 118 റൺസ് എടുത്തു. മറുപടി ബാറ്റിംഗിൽ ഇന്ത്യ 18.1 ഓവറിൽ 4 വിക്കറ്റ് നഷ്ടത്തിൽ ലക്ഷ്യം മറികടന്നു.
സ്കോർ
വെസ്റ്റ് ഇൻഡീസ്: 20 ഓവറിൽ 118/6
ഇന്ത്യ: 18.1 ഓവറിൽ 119/4
ബാറ്റിംഗിലും ബൗളിംഗിലും ലഭിച്ച മികച്ച തുടക്കം മുതലാക്കാനാകാതെയാണ് വെസ്റ്റ് ഇൻഡീസ് പരാജയം ഏറ്റുവാങ്ങിയത്. വെസ്റ്റ് ഇൻഡീസിനായി ടെയ്ലർ 42 റൺസും ക്യാമ്പ്ബെൽ 30 റൺസുമെടുത്തു. ഇന്ത്യക്ക് വേണ്ടി ദീപ്തി ശർമ്മ 4 ഓവറിൽ 15 റൺസിന് 3 വിക്കറ്റ് വീഴ്ത്തി. ട്വന്റി 20യിൽ 100 വിക്കറ്റ് തികയ്ക്കുന്ന ആദ്യ ഇന്ത്യൻ ബൗളറായി ദീപ്തി.
മറുപടി ബാറ്റിംഗിൽ 32 പന്തിൽ 44 റൺസുമായി പുറത്താകാതെ നിന്ന റിച്ച ഘോഷ് ആണ് ഇന്ത്യയെ വിജയത്തിലേക്ക് നയിച്ചത്. ക്യാപ്ടൻ ഹർമൻപ്രീത് കൗർ 33 റൺസെടുത്തു.
ആദ്യ മത്സരത്തിൽ ഇന്ത്യ പാകിസ്താനെതിരെയും തകർപ്പൻ ജയം നേടിയിരുന്നു.
Discussion about this post