പരീക്ഷാ പേടിയുണ്ടോ ? പഠനസമയത്ത് മാനസിക സമ്മർദ്ദം അനുഭവിക്കുന്നുണ്ടോ? ഇക്കാര്യങ്ങൾ ശ്രദ്ധിക്കുക

പരീക്ഷയെഴുതുന്ന വിദ്യാർത്ഥികൾക്ക് മാനസിക പിരിമുറുക്കം ഉണ്ടാകുന്നത് സാധാരണയാണ്.  മാനസിക സമ്മർദ്ദം ഇല്ലാതെ പരീക്ഷ എഴുതിയാൽ മാത്രമെ മികച്ച വിജയം കൈവരിക്കാനാകൂ.  ഇതിനായി കുട്ടികൾ മാത്രമല്ല മാതാപിതാക്കളും ചില കാര്യങ്ങൾ ശ്രദ്ധിക്കേണ്ടത് വളരെ പ്രധാനമാണ്. കുട്ടികളുടെ  പഠനത്തിൽ ആദ്യം മാതാപിതാക്കൾക്ക് വിശ്വാസം ഉണ്ടാകണം.

തങ്ങൾക്ക് ദുർബലമായി തോന്നുന്ന വിഷയത്തിലായിരിക്കും പൊതുവെ വിദ്യാർത്ഥികൾക്ക് പിരിമുറുക്കം അനുഭവപ്പെടുന്നത്. ഇക്കാരണം കൊണ്ടുതന്നെ ഇഷ്ടമുള്ള വിഷയത്തിലും മികച്ച പ്രകടനം കാഴ്ചവെക്കാൻ കുട്ടിക്ക് കഴിഞ്ഞെന്ന് വരില്ല. അതിനാൽ താത്പര്യക്കുറവുള്ള വിഷയത്തിൽ മികച്ച പ്രകടനം കാഴ്ചവെയ്ക്കാൻ  കഴിയുന്ന തരത്തിൽ  പഠനം പരിഷ്കരിക്കേണ്ടത് ആവശ്യമാണ്.

പരീക്ഷാ സമയത്ത് പരിഭ്രാന്തി
പരീക്ഷാ സമയത്ത് ഭയം തോന്നുന്നത് സാധാരണമാണ്.   പരീക്ഷയ്ക്കിടെ പരിഭ്രാന്തരായാൽ, കുറച്ച് സമയം എഴുത്ത്  നിർത്തി വെച്ച്   ദീർഘനിശ്വാസം എടുക്കുക. ഒന്ന് രണ്ട് തവണ ആഴത്തിൽ ശ്വസിക്കുക.  അതിനുശേഷം വെള്ളം കുടിച്ച്  സാധാരണ നിലയിലേക്ക് മാനസികാവസ്ഥ എത്തിക്കാൻ ശ്രമിക്കുക.  ശാന്തതയോടെ പരീക്ഷ എഴുതാൻ ആരംഭിക്കുക. പരിഭ്രാന്തി പരീക്ഷയെ നേരിട്ട് തന്നെ ബാധിക്കും, ഇതുമൂലം വരുന്ന ചോദ്യങ്ങൾക്കുള്ള ഉത്തരങ്ങൾ നിങ്ങൾ മറക്കും, അതിനാൽ പരീക്ഷാ സമയത്ത് നിങ്ങൾ പരിഭ്രാന്തരാകാതിരിക്കേണ്ടത് വളരെ പ്രധാനമാണ്.

പരീക്ഷയ്‌ക്ക് മുമ്പുള്ള റിവിഷൻ
പരീക്ഷയ്‌ക്കിടെ റിവിഷൻ നടത്തേണ്ടത് വളരെ പ്രധാനമാണ്. നിങ്ങൾ വർഷം മുഴുവനും പഠിച്ചതെല്ലാം പരീക്ഷാ സമയത്ത് റിവൈസ് ചെയ്യുക. ഇതോടെ, ആ വിഷയത്തോടുള്ള നിങ്ങളുടെ ആത്മവിശ്വാസം വർദ്ധിക്കും. പരീക്ഷാ സമയത്ത് പുതിയ വിഷയങ്ങൾ വായിക്കുന്നത് ഒഴിവാക്കുക. പരീക്ഷാ സമയത്ത്, പഠിച്ച വിഷയം മാത്രം ആവർത്തിക്കുന്നതിലൂടെ നിങ്ങളുടെ ആത്മവിശ്വാസം കൂടും. കൂടാതെ, ഇടയ്ക്കിടയ്ക്ക് പഴയ ചോദ്യപേപ്പറുകളുടെ സഹായത്തോടെ വിദ്യാർത്ഥികൾ സ്വയം പരീക്ഷയെഴുതുന്നത് നല്ലതാണ്. സ്വയം പരീക്ഷ നടത്തിയാലും പരീക്ഷാ ഭയം അവസാനിക്കും.

പരീക്ഷാസമയത്ത് ശ്രദ്ധ വ്യതിചലിക്കരുത് 
പരീക്ഷാസമയത്ത് വിദ്യാർത്ഥികൾ മറ്റുവിഷയങ്ങളിലേക്ക് ശ്രദ്ധ തിരിക്കരുത്.  മൊബൈൽ ഫോൺ പഠനസമയത്ത് വലിയ ശല്യമാണ്, അതിനാൽ വിദ്യാർത്ഥികൾ പരീക്ഷാ സമയത്ത് മൊബൈൽ ഫോൺ ഉപയോഗം ഒഴിവാക്കണം.   കൂടാതെ,  തുടർച്ചയായി പഠിക്കുന്ന രീതിയും നല്ലതല്ല, അത് ഒഴിവാക്കേണ്ടതാണ്.

പഠനത്തിനിടയിൽ ഒരു ചെറിയ ഇടവേള എടുക്കണം. യോഗ, വ്യായാമം തുടങ്ങിയ ചെറിയ ചെറിയ ശാരീരിക അഭ്യാസങ്ങളും  പരീക്ഷാസമയത്ത് ചെയ്യണം, ഇത് വിദ്യാർത്ഥികളുടെ മാനസിക പിരിമുറുക്കം ഒഴിവാക്കാൻ സഹായിക്കും. തുടർച്ചയായ വായന നിങ്ങളുടെ ഓർമ്മയെയും മനസ്സിലാക്കാനുള്ള  പ്രക്രിയയെയും  മന്ദഗതിയിലാക്കുന്നു.

ആരോഗ്യകരമായ ഭക്ഷണവും നല്ല ഉറക്കവും
പരീക്ഷാ സമയത്ത് വിദ്യാർത്ഥികൾക്ക് നല്ല ഉറക്കവും വളരെ പ്രധാനമാണ്. ഉറക്കമില്ലായ്മ നിങ്ങളുടെ ഏകാഗ്രതയെ ബാധിക്കും. എന്നാൽ രാത്രിയിൽ 7 മുതൽ 8 മണിക്കൂർ വരെ ഉറങ്ങുന്നതിലൂടെ നിങ്ങൾ  ഊർജ്ജസ്വലരാകും. സമ്മർദ്ദം കുറയുകയും ചെയ്യും. ഇതോടൊപ്പം പരീക്ഷാസമയത്ത് വിദ്യാർത്ഥികൾ അവരുടെ ഭക്ഷണപാനീയങ്ങളും വളരെ ശ്രദ്ധിക്കേണ്ടതാണ്.  ആരോഗ്യം വഷളാക്കുന്ന  ഭക്ഷണങ്ങൾ  കഴിക്കരുത്.  ശരീരത്തിൽ ജലാംശം നിലനിർത്തുന്നതിന് പൂർണ്ണ അളവിൽ വെള്ളം കുടിക്കുക. ഇതുമൂലം നിങ്ങളുടെ ശരീരം ഊർജ്ജസ്വലമായി നിലനിൽക്കും, പഠിക്കുമ്പോൾ നിങ്ങൾക്ക് ക്ഷീണം അനുഭവപ്പെടില്ല.

നിങ്ങളുടെ അദ്ധ്യാപകരുമായി സംസാരിക്കുക
പരീക്ഷാ വേളയിൽ, വിദ്യാർത്ഥികൾ അവരുടെ അദ്ധ്യാപകരുമായി സമ്പർക്കം പുലർത്തണം, അതുവഴി വിഷയവുമായി ബന്ധപ്പെട്ട പ്രശ്നങ്ങൾ അവരോട് തന്നെ നേരിട്ട് സംസാരിക്കാനാകും. പരീക്ഷ കാരണം വിദ്യാർത്ഥികൾക്ക് എന്തെങ്കിലും ബുദ്ധിമുട്ട് അനുഭവപ്പെടുന്നുണ്ടെങ്കിൽ അതും അദ്ധ്യാപകരോട് തുറന്ന് പറയാനാവണം.  പരീക്ഷാ സമയത്ത് കൂടുതൽ മാർക്ക് നേടാൻ രക്ഷിതാക്കളും കുട്ടികളിൽ സമ്മർദ്ദം ചെലുത്തരുത്. രക്ഷിതാക്കൾ കുട്ടികളെ പിന്തുണയ്ക്കുകയും അവർക്ക് പരീക്ഷാ സമ്മർദ്ദമില്ലെന്ന് ഉറപ്പുവരുത്തുകയും വേണം.