ആലപ്പുഴ: സഹപ്രവർത്തകർക്ക് ജോലി സംബന്ധമായി ലഭിച്ച അംഗീകാരത്തിന്റെ സന്തോഷം പങ്കുവച്ച് ആലപ്പുഴ കളക്ടർ കൃഷ്ണ തേജ. എന്റെ കുടുംബത്തിൽ ഉണ്ടായ വലിയൊരു സന്തോഷം എന്ന് പറഞ്ഞു കൊണ്ടാണ് അദ്ദേഹം മനോഹരമായ കുറിപ്പ് പങ്കുവച്ചിരിക്കുന്നത്. ‘എന്റെ സഹോദരനും സഹോദരിക്കും സംസ്ഥാന റവന്യു വകുപ്പിന്റെ മികച്ച ഉദ്യോഗസ്ഥർക്കുള്ള പുരസ്കാരം ലഭിച്ചു. എ.ഡി.എം. എസ്. സന്തോഷ്കുമാർ, ദുരന്ത നിവാരണ വിഭാഗം ഡെപ്യൂട്ടി കളക്ടർ ശ്രീമതി ആശ സി. എബ്രഹാം എന്നിവർക്കാണ് പുരസ്കാരങ്ങൾ ലഭിച്ചതെന്ന് അദ്ദേഹം കുറിപ്പിൽ പറയുന്നു.
ഒരു സർക്കാർ ഉദ്യോഗസ്ഥൻ എങ്ങനെയാകണമെന്നതിന് മാതൃക ആക്കാവുന്ന രണ്ട് പേരാണ് ഇവർ. തീർച്ചയായും ഈ അംഗീകാരം ഇവർ രണ്ടുപേരും വളരെ അർഹിച്ചിരുന്നുവെന്നും കളക്ടർ വ്യക്തമാക്കുന്നു. ജില്ലയിൽ നിന്നും അംഗീകാരം ലഭിച്ച മറ്റ് ആളുകളുടെ പേരുകളും അദ്ദേഹം കുറിപ്പിൽ പങ്കുവച്ചിട്ടുണ്ട്.
കളക്ടറുടെ ഫെയ്സ്ബുക്ക് കുറിപ്പിന്റെ പൂർണ്ണരൂപം,
എൻറെ കുടുംബത്തിൽ ഉണ്ടായ വലിയൊരു സന്തോഷമാണ് ഇന്ന് നിങ്ങളുമായി പങ്കുവെയ്ക്കുന്നത്. എന്റെ സഹോദരനും സഹോദരിക്കും സംസ്ഥാന റവന്യു വകുപ്പിന്റെ മികച്ച ഉദ്യോഗസ്ഥർക്കുള്ള പുരസ്കാരം ലഭിച്ചു. പ്രിയപ്പെട്ട എ.ഡി.എം. ശ്രീ. എസ്. സന്തോഷ്കുമാർ, ദുരന്ത നിവാരണ വിഭാഗം ഡെപ്യൂട്ടി കളക്ടർ ശ്രീമതി ആശ സി. എബ്രഹാം എന്നിവർക്കാണ് പുരസ്കാരങ്ങൾ ലഭിച്ചത്.
ഒരു സർക്കാർ ഉദ്യോഗസ്ഥൻ എങ്ങനെയാകണമെന്നതിന് മാതൃക ആക്കാവുന്ന രണ്ട് പേരാണ് ഇവർ. തീർച്ചയായും ഈ അംഗീകാരം ഇവർ രണ്ടുപേരും വളരെ അർഹിച്ചിരുന്നു.
ഇവർക്ക് പുറമെ ആലപ്പുഴ ജില്ലയിൽ റവന്യു വകുപ്പിൽ നിന്നും വില്ലേജ് ഓഫീസർമാരായ ശ്രീമതി കെ. ബിന്ദു, ശ്രീമതി സിനിരാജ്, ശ്രീ. എൻ. അനൂപ്, സർവെയും ഭൂരേഖയും വകുപ്പിൽ നിന്നും ശ്രീ.എസ്. അൻസാദ്, ശ്രീ. എസ്. നസീർ, ശ്രീമതി ബി. അജിത കുമാരി, ശ്രീ.ശിവസദാശിവൻ, ശ്രീമതി എ.എസ്. ഷീജ എന്നിവർക്കും റവന്യൂ പുരസ്കാരങ്ങൾ ലഭിച്ചിട്ടുണ്ട്.
ജില്ലയിലെ മികച്ച വില്ലേജ് ഓഫീസായി ചേർത്തല താലൂക്കിലെ തണ്ണീർമുക്കം തെക്ക് വില്ലേജും തിരഞ്ഞെടുക്കപ്പെട്ടിട്ടുണ്ട്. പുരസ്കാര ജേതാക്കൾക്ക് എൻറെ ഹൃദയം നിറഞ്ഞ അഭിനന്ദനങ്ങൾ.
Discussion about this post