ഉറങ്ങുന്നതിന് മുമ്പ് വെള്ളം കുടിക്കുന്ന ശീലമുള്ളവരാണോ നിങ്ങൾ എങ്കിൽ ഇക്കാര്യങ്ങൾ അറിഞ്ഞിരിക്കണം. ധാരാളം വെള്ളം കുടിക്കണമെന്നാണ് പൊതുവെ ആരോഗ്യകാര്യത്തിൽ കേൾക്കുന്ന വലിയ ഉപദേശം. ഇക്കാരണം കൊണ്ടുതന്നെ ഒരു വ്യക്തി ദിവസം മുഴുവൻ പരമാവധി വെള്ളം കുടിക്കുന്നു. വെള്ളം കുടിക്കുന്നത് സംബന്ധിച്ച് നിരവധി മിഥ്യാധാരണകളും ചർച്ചകളും ഉണ്ട്.
അതുകൊണ്ടുതന്നെ കുടിവെള്ളവുമായി ബന്ധപ്പെട്ട ചെറുതും വലുതുമായ ഓരോ വാർത്തകളും നമ്മൾ ശ്രദ്ധിക്കാറുണ്ട്. എപ്പോൾ,എങ്ങനെ, എത്ര, വെള്ളം കുടിക്കണം തുടങ്ങിയ ചോദ്യങ്ങളെല്ലാം നമ്മുടെ മനസ്സിൽ അലയടിക്കുന്നു. രാത്രി ഉറങ്ങുന്നതിന് മുമ്പ് വെള്ളം കുടിക്കണോ വേണ്ടയോ എന്നതാണ് അത്തരത്തിലുള്ള ഒരു പ്രധാന ചോദ്യം. കാരണം ഉറങ്ങുന്നതിന് മുമ്പ് വെള്ളം കുടിക്കുന്നത് ആരോഗ്യത്തിന് നല്ലതാണെന്ന് പലരും പറയുന്നുണ്ട്. എന്നാൽ അത് തെറ്റാണെന്നു പറയുന്നവരും കുറവല്ല.
നമ്മുടെ ശരീരത്തിൽ 50% മുതൽ 70% വരെ വെള്ളമുണ്ട്. അതുകൊണ്ടാണ് ശരീരത്തിലെ ജലാംശം നിലനിർത്താൻ നമുക്ക് ഏറ്റവും ആവശ്യമുള്ളതും വെള്ളമാണെന്ന് പറയുന്നത്. ഏതൊരു വ്യക്തിക്കും ആരോഗ്യം നിലനിർത്താൻ ശരീരത്തിൽ വെള്ളം ഉണ്ടായിരിക്കേണ്ടത് അത്യാവശ്യമാണ്. ശരീരത്തിലെ വെള്ളത്തിന്റെ അഭാവം മൂലം പല രോഗങ്ങളും ഉണ്ടാകുന്നു.
എന്നാൽ വെള്ളം കുടിക്കുമ്പോൾ നമ്മൾ പല കാര്യങ്ങളും ശ്രദ്ധിക്കണം. രാത്രി ഉറങ്ങുന്നതിന് 2 മണിക്കൂർ മുമ്പ് വെള്ളം കുടിക്കുന്നത് ആരോഗ്യത്തിന് പൊതുവെ നല്ലതാണെന്ന് പറയപ്പെടുന്നു. ഇത് നമ്മുടെ ദഹനവ്യവസ്ഥയെ ആരോഗ്യകരമായി നിലനിർത്താൻ സഹായിക്കുന്നു. ഇതുമൂലം ഉദര സംബന്ധമായ അസുഖങ്ങൾ ഒഴിവാക്കാം. രാത്രിയിൽ വെള്ളം കുടിക്കുന്നത് പല രോഗങ്ങളിൽ നിന്നും നിങ്ങളെ രക്ഷിക്കും. ഉറങ്ങുന്നതിന് മുമ്പ് വെള്ളം കുടിച്ചാൽ മൈഗ്രേൻ പോലുള്ള തലവേദനയും ഒരു പരിധിവരെ ഒഴിവാക്കാം.
എന്നാൽ പലപ്പോഴും ഉറങ്ങുന്നതിന് മുമ്പ് കൂടുതൽ വെള്ളം കുടിക്കുന്നതിലൂടെ, ഇടയ്ക്കിടെ മൂത്രമൊഴിക്കേണ്ടിവരുന്നു, ഇത് കാരണം നമ്മുടെ ഉറക്കം ഇടയ്ക്കിടെ തടസ്സപ്പെടുകയും സുഖമായ ഉറക്കം ലഭിക്കാതിരിക്കുകയും ചെയ്യുന്നു. അതുകൊണ്ടാണ് ഉറങ്ങുന്നതിന് രണ്ട് മണിക്കൂർ മുമ്പ് വെള്ളം കുടിക്കണം എന്ന് പറയുന്നത്. അങ്ങനെ നിങ്ങൾക്ക് രാത്രിയിൽ നല്ല ഉറക്കം ലഭിക്കും. നല്ല ഉറക്കം ഹൃദയത്തിന് വളരെ പ്രധാനമാണ്. ഉറക്കകുറവുണ്ടായാൽ കൊളസ്ട്രോൾ, ഉയർന്ന രക്തസമ്മർദ്ദം തുടങ്ങിയ രോഗങ്ങളും ഉണ്ടായേക്കാം.
Discussion about this post