കുറച്ച് ദിവസങ്ങളായി വിദൂരങ്ങളിലുള്ള കമിതാക്കള്ക്കായി ചൈനീസ് സര്വ്വകലാശാല വികസിപ്പിച്ച റിമോട്ട് കിസ്സിംഗ് ഡിവൈസ് അഥവാ ചുംബനോപകരണമാണ് ഇന്റെര്നെറ്റ് ലോകത്തെ ചൂടന് ചര്ച്ചാ വിഷയം. ലോകത്തിന്റെ ഏത് കോണിലായാലും രണ്ടിടങ്ങളിലുള്ള കമിതാക്കള്ക്ക് ശരിക്കും ചുംബനത്തിന്റെ അനുഭൂതി നല്കുന്നതാണ് ഈ ചുംബനോപകരണമെന്നാണ് ഇത് വികസിപ്പിച്ചവര് അവകാശപ്പെടുന്നത്. പ്രതീക്ഷിച്ചതുപോലെ തന്നെ ഇത് സോഷ്യല് മീഡിയയില് വൈറലായി. പലരും അതിനെ അനുകൂലിച്ചും പ്രതികൂലിച്ചുമെല്ലാം തങ്ങളുടെ അഭിപ്രായം തുറന്നടിച്ചു. എന്നാലിപ്പോള് ഇതുമായി ബന്ധപ്പെട്ട മറ്റൊരു സംഗതിയാണ് നെറ്റിസണ്സ് കണ്ടെത്തിയിരിക്കുന്നത്.
China really went and created an actual Kissing Device for long distance relationships just like one in The Big Bang Theory lmaooo pic.twitter.com/6TEx6UbR1K
— Colossus Of Clout (@g_mitch13) February 26, 2023
ചൈനയുടെ ഈ പുതിയ ഉപകരണം അമേരിക്കന് സിറ്റ്കോമായ (സാന്ദര്ഭിക ഹാസ്യ പരിപാടി) ബിഗ് ബാംഗ് തിയറിയിലെ ഒരു സീന് ഓര്മ്മിപ്പിച്ചുവെന്നാണ് പലരും സോഷ്യല്മീഡിയയില് കുറിച്ചിരിക്കുന്നത്. ഈ പരിപാടിയിലെ ഒരു കഥാപാത്രം ചുംബന യന്ത്രം കണ്ടുപിടിക്കുന്നതാണ് ഈ സീനുള്ളത്. സൈമണ് ഹെല്ബര്ഗ് അവതരിപ്പിച്ച ഹൊവാര്ഡ് വോളോവിറ്റ്സ് എന്ന കഥാപാത്രം തന്റെ സുഹൃത്തും സഹപ്രവര്ത്തകനുമായ ലിയനാര്ഡ് ഹോഫ്സ്റ്റാഡ്റ്ററിന് വേണ്ടിയാണ് ഈ ചുംബനോപകരണം കണ്ടുപിടിക്കുന്നത്. മറ്റൊരു രാജ്യത്ത് താമസിക്കുന്ന തന്റെ പ്രണയിനിയുമായി പ്രണയം പങ്കുവെക്കുകയെന്ന ലക്ഷ്യത്തോടെയാണ് ഹോഫ്സ്റ്റാഡ്റ്റര് ഇത് വാങ്ങുന്നത്. എന്തായാലും ചൈനയുടെ ഈ പുതിയ കണ്ടുപിടിത്തം വര്ഷങ്ങള്ക്ക് മുമ്പ് തന്നെ ഈ പരിപാടി പ്രവചിച്ചു എന്ന അഭിപ്രായമാണ് ചിലര് സോഷ്യല് മീഡിയയില് പങ്കുവെച്ചിരിക്കുന്നത്.
ചൈനയുടെ ചുംബനോപകരണം
ചൈനയിലെ ചാന്സൗ സര്വ്വകലാശാലയാണ് ചുംബനോപകരണം കണ്ടുപിടിത്തത്തിന് പിന്നില്. സിലിക്കണ് ചുണ്ടുകളാണ് ഈ ഉപകരണത്തില് ഉപയോഗിച്ചിരിക്കുന്നത്. ഇതില് ഘടിപ്പിച്ചിരിക്കുന്ന പ്രഷര് സെന്സറുകളും അക്യൂട്ടേറ്ററുകളും യഥാര്ത്ഥ ചുംബനത്തിന്റെ അനുഭൂതി നല്കുമെന്നാണ് ചൈനീസ് മാധ്യമമായ ഗ്ലോബല് ടൈംസ് റിപ്പോര്ട്ട് ചെയ്യുന്നത്. ഉപയോക്താക്കളുടെ ചുണ്ടുകള്ക്കനുസരിച്ചുള്ള താപനിലയും ചലനവും മര്ദ്ദവും സൃഷ്ടിക്കാന് ഈ കൃത്രിമ ചുണ്ടുകള്ക്ക് സാധിക്കുമെന്നും റിപ്പോര്ട്ടില് പറയുന്നു.
അതേസമയം സോഷ്യല്മീഡിയ ഈ വിഷയത്തില് രണ്ടുതട്ടിലാണ്. ചിലരിത് വളരെ തമാശയായി കരുതുന്നുവെങ്കില് മറ്റുചിലര് വളരെ അശ്ലീലമായ ഒന്നായാണ് ഇതിനെ കരുതുന്നത്. പ്രായപൂര്ത്തിയാകാത്തവരടക്കം ഇതുവാങ്ങി ഉപയോഗിക്കുന്നതിലെ ആശങ്കയും ചിലര് പങ്കുവെച്ചിട്ടുണ്ട്. ജിയാംഗ് സോംഗ്ലി എന്നയാളാണ് ഈ ഉപകരണം വികസിപ്പിച്ചിരിക്കുന്നത്. താനും പ്രണയിനിയും അകലങ്ങളിലിരുന്ന് പ്രണയിച്ചപ്പോള് ഫോണിലൂടെ മാത്രമാണ് അടുപ്പം കാത്തുസൂക്ഷിച്ചതെന്നും അതാണ് ചുംബനോപകരണം വികസിപ്പിക്കാന് പ്രചോദനമായതെന്നും ഇദ്ദേഹം പറയുന്നു.
2016ല് മലേഷ്യയിലെ ഇമാജിനീയറിംഗ് ഇന്സ്റ്റിറ്റ്യൂട്ട് സമാനമായ മറ്റൊരു കണ്ടുപിടിത്തം നടത്തിയിരുന്നു. കിസ്സിംഗര് എന്ന് പേരുള്ള ആ ഉപകരണം ടച്ച് സെന്സിറ്റീവ് ആയ സിലിക്കണ് പാഡിന്റെ രൂപത്തിലായിരുന്നു.
Discussion about this post