യുഎഇ: കുട്ടികളുടെ വിദ്യാഭ്യാസ അവകാശം ഇല്ലാതാക്കുന്ന പാകിസ്താനി രക്ഷിതാക്കൾക്ക് വിസ പുതുക്കി നൽകേണ്ടതില്ലെന്ന് യുഎഇ ഭരണകൂടം തീരുമാനിച്ചതായി റിപ്പോർട്ട്. അന്താരാഷ്ട്ര മാദ്ധ്യമങ്ങളാണ് ഇത് റിപ്പോർട്ട് ചെയ്യുന്നത്. കുട്ടികളെ സംരക്ഷിക്കുന്ന നിയമങ്ങൾ ലംഘിക്കുന്ന രക്ഷിതാക്കൾക്കെതിരെ നടപടിയെടുക്കാൻ യുഎഇ സർക്കാർ തീരുമാനിച്ചിട്ടുണ്ടെന്ന് കറാച്ചിയിലെ യുഎഇ കോൺസൽ ജനറൽ ബഖീക് അതീഖ് അൽ റമേത്തി പറഞ്ഞു.ജോലിയോ താമസ വിസയോ ഉള്ള പാകിസ്താനി ആളുകൾക്കുള്ളതാാണ് വദീമ നിയമം എന്ന് അദ്ദേഹം കൂട്ടിച്ചേർത്തു.
വദീമ നിയമപ്രകാരം, യുഎഇയിൽ തൊഴിൽ വിസയുള്ള ധാരാളം പാകിസ്താനികൾ കുട്ടികളുടെ അവകാശങ്ങൾ സംബന്ധിച്ച നിയമങ്ങൾ ലംഘിക്കുന്നുണ്ട്. ധാരാളം പാകിസ്താനികൾ കുട്ടികളെ വീട്ടിൽ ഇരുത്തി അവരുടെ കുട്ടികളുടെ അവകാശം ഇല്ലാതാക്കുകയാണെന്നും അദ്ദേഹം വ്യക്തമാക്കി.
യുഎഇയിലെ പ്രവാസികളായ പാകിസ്താൻ രക്ഷിതാക്കളോട് അവരുടെ കുട്ടികളുടെ വിദ്യാഭ്യാസം ഉറപ്പാക്കാനും ആരോഗ്യവും സ്വാതന്ത്ര്യവുമായി ബന്ധപ്പെട്ട അവകാശങ്ങൾ സംരക്ഷിക്കാനും അദ്ദേഹം അഭ്യർത്ഥിച്ചു.
Discussion about this post