ഇസ്ലാമാബാദ്: പാകിസ്താനിൽ വീണ്ടും ഭീകരാക്രമണം. ചാവേർ സ്‌ഫോടനത്തിൽ ഒൻപത് പോലീസുകാർ കൊല്ലപ്പെട്ടു. ബലൂചിസ്ഥാനിലെ ബോലൻ മേഖലയിലായിരുന്നു ആക്രമണം ഉണ്ടായത്. 15 പോലീസുകാർക്ക് പരിക്കേറ്റു.
രാവിലെയോടെയായിരുന്നു ആക്രണം ഉണ്ടായത്. സിബിയിൽ നിന്നും ട്രക്കിൽ പോകുകയായിരുന്നു പോലീസുകാർ. ഇതിനിടെ എത്തിയ ചാവേർ പൊട്ടിത്തെറിക്കുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.
ഭീകരാക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല. താലിബാൻ ഭീകരരാണ് ഇതിന് പിന്നിൽ എന്നാണ് സംശയിക്കുന്നത്. ഇന്നലെ ഖൈബർ പക്തുൻക്വയിലും ഭീകരാക്രമണം ഉണ്ടായി. സംഭവ സ്ഥലത്ത് രക്ഷാ പ്രവർത്തനങ്ങൾ പുരോഗമിക്കുകയാണ്. പരിക്കേറ്റ പോലീസുകാരെ അടുത്തുള്ള ആശുപത്രിയിൽ പ്രവേശിപ്പിച്ചു. ഇവരിൽ ചിലരുടെ നില അതീവ ഗുരുതരമാണെന്നാണ് വിവരം. പ്രദേശത്ത് ഉന്നത പോലീസ് ഉദ്യോഗസ്ഥരുൾപ്പെടെ എത്തിയിട്ടുണ്ട്.
Discussion about this post