വനിത ബില്യണയര്മാരുടെ (ശതകോടീശ്വരര്) എണ്ണത്തില് ഇന്ത്യ ലോകത്ത് അഞ്ചാംസ്ഥാനത്ത്. അന്താരാഷ്ട്ര വനിത ദിനത്തോടനുബന്ധിച്ച് സിറ്റി ഇന്ഡെക്സ് ആണ് ഈ കണക്ക് പുറത്തുവിട്ടത്.
അമേരിക്കയിലാണ് ഏറ്റവുമധികം വനിത ബില്യണയര്മാരുള്ളത്. ആകെ 92 സ്ത്രീകളാണ് അമേരിക്കയില് ശതകോടീശ്വരര്. രണ്ടാംസ്ഥാനത്തുള്ള ചൈനയേക്കാള് (46) ഇരട്ടി കോടീശ്വരരാണ് അമേരിക്കയിലുള്ളത്. ലോകത്തിലെ അഞ്ചില് നാല് വനിത ബില്യണയര്മാരും അമേരിക്കയിലാണെന്ന് പറയാം.
ജര്മ്മനി (32), ഇറ്റലി (16) എന്നീ രാജ്യങ്ങളാണ് മൂന്നും നാലും സ്ഥാനങ്ങളില്. ഇന്ത്യയോടൊപ്പം ഓസ്ട്രേലിയയും ഹോങ്കോങും അഞ്ചാംസ്ഥാനത്താണ്. ഒമ്പത് കോടീശ്വരികളാണ് ഈ രാജ്യങ്ങളിലുള്ളത്.
ഒപി ജിന്ഡാല് ഗ്രൂപ്പിലെ സാവിത്രി ജിന്ഡാലാണ് ഇന്ത്യയിലെ ഏറ്റവും വലിയ കോടീശ്വരി. 16.96 ബില്യണ് ഡോളറാണ് അവരുടെയും കുടുംബത്തിന്റെയും ആസ്തി. സ്റ്റാറ്റിസ്റ്റയുടെ കണക്കനുസരിച്ച് വിനോദ് റായ് ഗുപ്ത (ഹാവെല്സ് ഇന്ത്യ), രേഖ ജുന്ജുന്വാല(രേരേ എന്റെര്പ്രൈസസ്), ഫാല്ഗുനി നയ്യാര് (നൈക), ലീന തിവാരി (യുഎസ്വി പ്രൈവറ്റ് ലിമിറ്റഡ്), ദിവ്യ ഗോകുല്നാഥ് (ബൈജൂസ്), മല്ലിക ശ്രീനിവാസന് (ട്രാക്ടേഴ്സ് ആന്ഡ് ഫാം ഫാം എക്വിപ്മെന്റ് ലിമിറ്റഡ്), കിരണ് മസുംദാര് (ബയോകോണ് ലിമിറ്റഡ്), അനു അഗ (തെര്മെക്സ്) എന്നിവരാണ് ഇന്ത്യയിലെ മറ്റ് കോടീശ്വരികള്.
