വാഷിംഗ്ടൺ: മൂന്ന് പേരെ ക്രൂരമായി കൊന്നു തള്ളിയാൾക്ക് ജീവപര്യന്തം തടവിന് ശിക്ഷിച്ച് കോടതി. യുഎസിലെ ഒക്ലഹോമ സ്റ്റേറ്റിലാണ് സംഭവം. 44 കാരനായ ലോറൻസ് പോൾ ആൻഡേഴ്സൺ എന്നയാളാണ് ആൻഡ്രിയ ബ്ലാങ്കെൻഷിപ്പ് എന്ന യുവതിയെ കൊന്ന് അവരുടെ ഹൃദയം ഉരുളക്കിഴങ്ങ് ചേർത്ത് പാകം ചെയ്ത്, തന്റെ ബന്ധുക്കൾക്ക് വിളമ്പി അവരെയും കൊലപ്പെടുത്തിയത്.
2021 ലാണ് ക്രൂരമായ കൊലപാതകം അരങ്ങേറിയത്. നേരത്തെ ഒരു ക്രമിനൽ കേസുമായി ബന്ധപ്പെട്ട് ജയിലിലായിരുന്നു പ്രതി. ജയിൽമോചിതനായ ശേഷമാണ് ഇയാൾ യുവതിയെ കൊന്നത്.
കൊലപാതകത്തിന് ശേഷം ഹൃദയവുമായി ലോറൻസ് പോൾ ആൻഡേഴ്സൺ തന്റെ അമ്മാവന്റെയും അമ്മായിയുടെയും വീട്ടിലെത്തി. അവർക്ക് യുവതിയുടെ ഹൃദയം പാകം ചെയ്ത് നൽകിയ ശേഷം അമ്മാവനെയും അവരുടെ നാലു വയസുള്ള കൊച്ചുമകളെയും കുത്തിക്കൊല്ലുകയായിരുന്നു. വ്യക്തിവൈരാഗ്യമാണ് ഈ ക്രൂര കൊലപാതകങ്ങൾക്ക് പിന്നിലെന്നാണ് പോലീസ് പറയുന്നത്.
Discussion about this post