തിരുവനന്തപുരം: വെന്തുരുകുന്ന വേനൽച്ചൂടിന് ആശ്വാസമായി ഇന്ന് സംസ്ഥാനത്ത് വേനൽമഴ ഉണ്ടാകുമെന്ന് കാലാവസ്ഥാ നിരീക്ഷണ കേന്ദ്രം. കണ്ണൂർ, കാസർകോട് ഒഴികെയുള്ള 12 ജില്ലകളിലും ഇന്ന് വേനൽമഴ ലഭിക്കുമെന്നാണ് പ്രതീക്ഷിക്കപ്പെടുന്നത്.
മലയോര മേഖലകളിൽ പരക്കെ മഴയ്ക്ക് സാദ്ധ്യതയുണ്ട്. മദ്ധ്യ കേരളത്തിലെ ഒറ്റപ്പെട്ടയിടങ്ങളിലും വേനൽ മഴക്ക് സാദ്ധ്യതയുണ്ട്. മഴക്കൊപ്പം ഇടിമിന്നലും ഉണ്ടാകും.
കഴിഞ്ഞ ദിവസങ്ങളിൽ വ്യാപകമായി വേനൽമഴ ലഭിച്ചിരുന്നതിനാൽ, സംസ്ഥാനത്ത് ചൂടിന് നേരിയ ശമനമുണ്ടായിട്ടുണ്ട്. മുൻ ദിവസങ്ങളിൽ 40 ഡിഗ്രി വരെ രേഖപ്പെടുത്തിയ ചൂട് കഴിഞ്ഞ ദിവസം 36 ഡിഗ്രി വരെ കുറഞ്ഞു. പാലക്കാട്, പുനലൂർ, കോട്ടയം, കോഴിക്കോട് എന്നിവിടങ്ങളിലാണ് ഈ വർഷം ചൂട് കൂടുതലായി അനുഭവപ്പെട്ടത്.
Discussion about this post