ലണ്ടൻ; ഇന്ത്യയും ബ്രിട്ടനും തമ്മിൽ ആഴമേറിയതും ശക്തമായതുമായ ബന്ധമാണ് ഉള്ളതെന്ന് യുകെ വിദേശകാര്യ സെക്രട്ടറി ജെയിംസ് ക്ലെവർലി. ഇന്ത്യൻ ഹൈക്കമ്മീഷനിലെ ജീവനക്കാർക്ക് നേരെയുള്ള ആക്രമണം അംഗീകരിക്കാനാവില്ലെന്ന് അവർ കൂട്ടിച്ചേർത്തു.
യുകെയിലെ എല്ലാ രാജ്യങ്ങളുടെയും എംബസികളുടെ സുരക്ഷ പ്രാധാന്യമർഹിക്കുന്നതിനാൽ ഇന്ത്യൻ ഹൈക്കമ്മീഷനിലും യുകെ സർക്കാർ സുരക്ഷ ഉറപ്പാക്കുമെന്ന് അവർ പറഞ്ഞു. ഇന്നലെ ഇന്ത്യൻ ഹൈക്കമ്മീഷൻ ഓഫീസിന് നേരെ ഖാലിസ്ഥാൻവാദികൾ വീണ്ടും ആക്രമണം നടത്തിയത് വിവാദമായതിന് പിന്നാലെയാണ് യുകെ വിദേശകാര്യ സെക്രട്ടറി നിലപാട് വ്യക്തമാക്കിയത്.
ഇന്നലെ ഇന്ത്യൻ പൗരന്മാർ ചേർന്ന് ഹൈക്കമ്മീഷന് മുകളിൽ ഭീമൻ ദേശീയ പതാക സ്ഥാപിച്ചിരുന്നു. ഇതിൽ പ്രകോപിതരായ ഖാലിസ്ഥാൻവാദികൾ ഹൈക്കമ്മീഷൻ്റെ പ്രധാന ഗേറ്റിന് നേരെ വെള്ളക്കുപ്പികളും മറ്റും എറിഞ്ഞിരുന്നു. ഇന്ത്യ നീരസം പ്രകടമാക്കിയതിന് പിന്നാലെ ഏർപ്പെടുത്തിയ സുരക്ഷാ ഉദ്യോഗസ്ഥരെ മറികടന്നാണ് ഈ അക്രമം നടന്നത്. ഇത് വലിയ രീതിയിൽ ചർച്ചയായതോടെയാണ് ഖാലിസ്ഥാൻ വാദികളെ തള്ളുന്ന നിലപാടുമായി യുകെ വിദേശകാര്യ സെക്രട്ടറി രംഗത്തെത്തിയത്.
Discussion about this post