കാബൂൾ: അഫ്ഗാനിസ്ഥാനിലെ സയേദാബാദിൽ കുഴിബോംബ് പൊട്ടിത്തെറിച്ച് രണ്ട് കുട്ടികൾ മരിച്ചു. ബോംബാണെന്ന് അറിയാതെ കളിച്ചുകൊണ്ടിരുന്ന കുട്ടികളാണ് അബദ്ധത്തിലുണ്ടായ പൊട്ടിത്തെറിയിൽ മരിച്ചത്.
മുൻകാല യുദ്ധങ്ങളിൽ ഉപയോഗിക്കാൻ വേണ്ടി നിർമ്മിച്ച്, പിന്നീട് ഉപേക്ഷിച്ച കുഴിബോംബാണ് പൊട്ടിത്തെറിച്ചതെന്ന് പോലീസ് അറിയിച്ചു. ഇത്തരം അപകടങ്ങൾ അഫ്ഗാനിസ്ഥാനിൽ സർവ സാധാരണമാണ്.
സാബൂൾ പ്രവിശ്യയിലെ ഷാജോയ് ജില്ലയിൽ വെള്ളിയാഴ്ച വൈകുന്നേരം ഉണ്ടായ സമാനമായ സംഭവത്തിൽ ഒരു കുട്ടി മരിക്കുകയും മൂന്ന് കുട്ടികൾക്ക് പരിക്കേൽക്കുകയും ചെയ്തതായി പ്രാദേശിക മാദ്ധ്യമം റിപ്പോർട്ട് ചെയ്തിരുന്നു. മാർച്ച് 28ന് ഉണ്ടായ മറ്റൊരു സംഭവത്തിൽ രണ്ട് കുട്ടികൾ മരിക്കുകയും നാല് പേർക്ക് പരിക്കേൽക്കുകയും ചെയ്തിരുന്നു.
Discussion about this post