ഹൈദരാബാദ്: ഫാമിലി മാൻ നിർമ്മാതാക്കളുടെ പുതിയ വെബ് സീരിസിൽ സാമന്തയും പ്രധാനവേഷത്തിൽ എത്തുന്നു. തനിക്ക് മയോസൈറ്റിസ് എന്ന അപൂർവ രോഗം ബാധിച്ചതായി സാമന്ത അറിയിച്ചിരുന്നു.ഒരു വർഷത്തിന് ശേഷം അസുഖത്തിൽ നിന്ന് സുഖം പ്രാപിച്ച് വരുന്നതായും താരം അറിയിക്കുകയും ചെയ്തു.അസുഖത്തെ തുടർന്ന് സാമന്ത ഷൂട്ടിങ്ങുകളിൽ നിന്ന് കുറച്ചുകാലം വിട്ടു നിന്നതായാണ് റിപ്പോർട്ട്. എന്നാൽ വീണ്ടും സാമന്ത സിനിമാ വെബ് സീരീസ് ലോകത്ത് സജീവമാവുകയാണ്. പ്രതിസന്ധികളെ ഒറ്റയ്ക്ക് നേരിട്ട് തന്നെയാണ് വീണ്ടും താരം സിനിമാ ലോകത്തേക്ക് എത്തുന്നത്. സിനിമയിൽ മാത്രമല്ല യഥാർത്ഥ ജീവിതത്തിലും വിജയിയാണെന്ന് ഈ സംഭവം തെളിയിക്കുന്നുവെന്ന് ആരാധകർ അഭിപ്രായപ്പെടുന്നു.
‘സിറ്റാഡൽ’ എന്ന വെബ് സീരീസിനായി താരം ഇപ്പോൾ മുന്നോട്ടുവന്നിരിക്കുന്നത്. നിലവിൽ സാമന്തയുടെ ശാകുന്തളം റിലീസിന് തയ്യാറായി നിൽക്കുകയാണ്. പാൻ ഇന്ത്യ ലെവലിൽ റിലീസ് ചെയ്യാൻ പോകുന്ന ചിത്രമാണ് ശാകുന്തളം. ചിത്രത്തിൻറെ പ്രമോഷനായി മുംബൈയിലെത്തിയ താരത്തിന് കുറച്ച് ശാരീരിക അസ്വസ്ഥകൾ അനുഭവപ്പെട്ടിരുന്നു. ഇതോടെയാണ് വീണ്ടും സാമന്തയുടെ അസുഖം ചർച്ചയാവുന്നത്.
ശാകുന്തളം 3ഡി ട്രെയിലറിന്റെ റിലീസിനായി അടുത്തിടെ മുംബൈയിലെത്തിയ സാമന്തയ്ക്ക് ഫോട്ടോ ഷൂട്ട് കാരണം അസ്വസ്ഥത അനുഭവപ്പെട്ടിരുന്നു. ഫ്ലാഷ് കാണാൻ ബുദ്ധിമുട്ടായിരുന്നു. ഇതുമായി ബന്ധപ്പെട്ട ഒരു വീഡിയോയും സമൂഹമാദ്ധ്യമങ്ങളിൽ വൈറലായിരുന്നു. ഫോട്ടോഗ്രാഫർമാർ ഫ്ലാഷ് ഉപയോഗിച്ച് സാമന്തയുടെ ചിത്രം പകർത്താൻ ശ്രമിച്ചപ്പോൾ സാമന്ത കൈകൊണ്ട് മുഖം മറയ്ക്കാൻ ശ്രമിക്കുന്നതായി വീഡിയോയിൽ കാണാമായിരുന്നു. സാമന്തയുടെ ആരോഗ്യനിലയിൽ പുരോഗതിയില്ലെന്നാണ് ഇതോടെ പുറത്തുവന്ന അഭിപ്രായങ്ങൾ.
നിലവിൽ ശാകുന്തളം പ്രമോഷനുകളുടെ തിരക്കിലാണ് സാമന്ത. ശാകുന്തളം ഏപ്രിൽ 14 ന് ഇന്ത്യയിൽ റിലീസ് ചെയ്യും. ഗുണശേഖർ സംവിധാനം ചെയ്ത ചിത്രം കാളിദാസന്റെ അഭിജ്ഞാന ശാകുന്തളം എന്ന നോവലിനെ ആസ്പദമാക്കിയുള്ളതാണ്. ശകുന്തളയായി സാമന്ത എത്തുമ്പോൾ വില്ലൻ വേഷത്തിലാണ് ദേവ് മോഹൻ എത്തുന്നത്. രുദ്രമാദേവിക്ക് ശേഷം ഏഴ് വർഷത്തെ ഇടവേള എടുത്താണ് ഗുണശേഖർ ഈ സിനിമ ചെയ്തത്. ഇതിനോടകം പുറത്തിറങ്ങിയ പോസ്റ്ററുകളും ടീസറുകളും ട്രെയിലറുകളും ചിത്രത്തെ കുറിച്ച് വൻ പ്രതീക്ഷയാണ് സൃഷ്ടിച്ചിരിക്കുന്നത്.
Discussion about this post