ലക്നൗ: യുദ്ധ വിമാനത്തിൽ പറന്ന് രാഷ്ട്രപതി ദ്രൗപദി മുർമു. അസം സന്ദർശന വേളയിലായിരുന്നു മുർമു യുദ്ധവിമാനത്തിൽ പറന്നത്. രാജ്യത്ത് യുദ്ധവിമാനത്തിൽ യാത്ര ചെയ്യുന്ന രണ്ടാമത്തെ വനിതാ രാഷ്ട്രപതിയാണ് മുർമു.
സുഖോയ് 30 എംകെഐ വിമാനത്തിലാണ് മുർമു പറന്നത്. തേസ് പൂർ വ്യോമതാവളത്തിൽ നിന്നായിരുന്നു മുർമു വിമാനത്തിൽ കയറിയത്. സൈനിക വേഷം ധരിച്ചിരുന്നു. മിനിറ്റുകളോളം പറന്ന ശേഷം തിരികെ വ്യോമതാവളത്തിൽ തന്നെ ഇറങ്ങി. ഇവിടെ വ്യോമസേനാംഗങ്ങളുമായി സംവദിച്ച ശേഷം മുർമു സംസ്ഥാനത്തെ മറ്റ് പരിപാടികളിൽ പങ്കെടുക്കാനായി മടങ്ങി. അതേസമയം മുർമു സുഖോയിൽ പറക്കുന്നതിന്റെ ദൃശ്യങ്ങളും വീഡിയോകളും സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
ഇതിന് മുൻപ് രാഷ്ട്രപതിയായിരുന്ന പ്രതിഭാ പാട്ടീൽ ആയിരുന്നു യുദ്ധ വിമാനത്തിൽ യാത്ര ചെയ്തിട്ടുള്ളത്. 2009 ലായിരുന്നു ഇത്. സുഖോയ് എംകെഐ വിമാനത്തിലായിരുന്നു പ്രതിഭാ പാട്ടീലും യാത്ര ചെയ്തത്. ഇന്ത്യയുടെ മുൻനിര യുദ്ധ വിമാനങ്ങളിൽ ഒന്നാണ് സുഖോയ്-30 എംകെഐ. റഷ്യയാണ് ഇതിന്റെ നിർമ്മാതാക്കൾ.
#WATCH | President Droupadi Murmu lands at Tezpur Air Force Station, Assam after taking a sortie in the Sukhoi 30 MKI fighter aircraft pic.twitter.com/xRnjERbEnv
— ANI (@ANI) April 8, 2023
Discussion about this post