കൊച്ചി: പുതിയ മോഡല്‍ റേഞ്ച് റോവര്‍ സ്വന്തമാക്കി മലയാളികളുടെ പ്രിയ താരം മോഹന്‍ലാല്‍. താരത്തിന്റെ കൊച്ചിയിലെ പുതിയ വസതിയില്‍ വച്ചാണ് ഡീലര്‍മാര്‍ വാഹനം കൈമാറിയത്. ഇതിന്‍റെ വീഡിയോ സോഷ്യല്‍ മീഡിയയില്‍ പ്രചരിക്കുന്നുണ്ട്.
മോഹന്‍ലാലിനൊപ്പം ഭാര്യ സുചിത്രയും വീഡിയോയില്‍ ഉണ്ട്. 7 മുതിര്‍ന്നവര്‍ക്ക് യാത്ര ചെയ്യാവുന്ന വാഹനത്തിൽ 33 സെ.മീ. ടച്ച്സ്ക്രീന്‍ ആണ് ഉള്ളത്.ഡീസലിലും പെട്രോളിലും ലഭ്യമായ ഈ വാഹനത്തിന്‍റെ വിവിധ മോഡലുകളുടെ വില 2.38 കോടി മുതല്‍ 4 കോടി വരെയാണ്.
ടൊയോട്ടയുടെ വെല്‍ഫയര്‍ ആയിരുന്നു താരം സ്ഥിരം യാത്രകള്‍ക്കായി ഉപയോഗിച്ചുകൊണ്ടിരുന്ന വാഹനം.2020 ന്‍റെ തുടക്കത്തിലാണ് വെല്‍ഫയര്‍ വാങ്ങിയത്. വെൽഫയറിന് പുറമെ, ലംബോർഗിനി ഉറുസ്, ടൊയോട്ട ലാൻഡ് ക്രൂയിസർ, മെഴ്‌സിഡസ് ബെൻസ് ജിഎൽഎസ് ക്ലാസ് തുടങ്ങിയ ചില ആഡംബര കാറുകളുടെ ഉടമയാണ് മോഹൻലാൽ.
