യുപി പോലീസ് ചെയ്തത് മികച്ച കാര്യം, മകന്റെ മൃതദേഹം പോലും കാണണ്ട; ഏറ്റുമുട്ടലിനിടെ കൊല്ലപ്പെട്ട ​ഗുലാമിന്റെ അമ്മ പറയുന്നു

ലക്നൗ : ഉമേഷ് പാൽ കൊലക്കേസിൽ പ്രതികളായ ആതിഖ് അഹമ്മദിന്റെ മകൻ അസദും പങ്കാളി ​ഗുലാമും കഴിഞ്ഞ ദിവസമാണ് യുപി സ്പെഷ്യൽ ടാസ്ക് ഫോഴ്സുമായി നടന്ന ഏറ്റുമുട്ടലിനിടെ കൊല്ലപ്പെട്ടത്. അസദിന്റെ മൃതദേഹം ഏറ്റെടുക്കുമെന്ന് അറിയിച്ചുകൊണ്ട് മുത്തച്ഛൻ രം​ഗത്തെത്തിയിട്ടുണ്ട്. എന്നാൽ ​ഗുലാമിന്റെ മൃതദേഹം ഏറ്റെടുക്കാൻ ഇതുവരെ ആരും തയ്യാറായിട്ടില്ല. സംസ്ഥാന സർക്കാരിന്റെ നടപടി ഏറ്റവും ഉചിതമായിരുന്നു എന്നാണ് ​ഗുലാമിന്റെ അമ്മ പറയുന്നത്.

” എല്ലാ ക്രിമിനലുകൾ ഇതൊരു പാഠമാകട്ടെ. എന്റെ മകൻ ​ഗുണ്ടാ നേതാവ് ആതിഖ് അഹമ്മ​​ദിന് വേണ്ടി പ്രവർത്തിക്കുന്ന കാര്യം അറിയില്ലായിരുന്നു. അവനെ ഇനിയെനിക്ക് കാണണ്ട. ​ഗുലാമിന്റെ മൃതദേഹം ഞാൻ ഏറ്റുവാങ്ങില്ല. അത് വേണമെങ്കിൽ അവന്റെ ഭാര്യ ഏറ്റുവാങ്ങിക്കോട്ടെ ” ​ഗുലാമിന്റെ അമ്മ പറഞ്ഞു. മൃതദേഹം ഏറ്റെടുക്കാൻ കുടുംബം മുന്നോട്ട് വരാത്ത സാഹചര്യത്തിൽ യുപി പോലീസ് തന്നെ സംസ്കാരം നടത്തും.

#WATCH | Prayagraj, UP: "The action taken by the government is absolutely correct. All gangsters and criminals will take a lesson from this. I had no idea that he (my son) used to work for gangster Atiq Ahmed. I will not receive his body, maybe his wife will receive it," says… pic.twitter.com/9oqwnwYd2i

— ANI UP/Uttarakhand (@ANINewsUP) April 14, 2023

എംഎൽഎ കൊല്ലപ്പെട്ട കേസിൽ ദൃക്സാക്ഷിയായ ഉമേഷ് പാലിനെ കൊലപ്പെടുത്തിയ കേസിലെ പ്രതികളാണ് ഇരുവരും. രണ്ട് പേരുടെയും തലയ്ക്ക് യുപി പോലീസ് അഞ്ച് ലക്ഷം രൂപയാണ് വാ​ഗ്ദാനം ചെയ്തിരുന്നത്. ഇന്നലെ നടന്ന ഏറ്റുമുട്ടലിനിടെയാണ് ഇരുവരും കൊല്ലപ്പെട്ടത്. കീഴടാൻ പോലീസ് നിർദ്ദേശിച്ചെങ്കിലും ഇവരിന് തയ്യാറായില്ല. കൈയ്യിലുണ്ടായിരുന്ന തോക്ക് ഉപയോ​ഗിച്ച് പോലീസിന് നേരെ വെടിയുതിർക്കുകയായിരുന്നു. തുടർന്ന് നടന്ന ഏറ്റുമുട്ടലിനിടെയാണ് ഇരുവരും കൊല്ലപ്പെട്ടത്.