ഇടുക്കി: കുട്ടിക്കാനത്ത് ശബരിമലയിലേക്ക് പോകുകയായിരുന്ന ഭക്തരുടെ വാഹനം അപകടത്തിൽപ്പെട്ടു. സംഭവത്തിൽ എട്ട് പേർക്ക് പരിക്കേറ്റു. തിരുവണ്ണാമലയിൽ നിന്നും എത്തിയ സംഘം സഞ്ചരിച്ച വാഹനമാണ് അപകടത്തിൽപ്പെട്ടത്.
വാഹനം നിയന്ത്രണം വിട്ട് മറിയുകയായിരുന്നുവെന്നാണ് ദൃക്സാക്ഷികൾ പറയുന്നത്. ഡ്രൈവർ ഉൾപ്പെടെ 24 പേരായിരുന്നു സംഭവ സമയം വാഹനത്തിൽ ഉണ്ടായിരുന്നത്. എട്ടിൽ നാല് പേർക്ക് മാത്രമാണ് സാരമുള്ള പരിക്കുകൾ. ഇവർ പീരുമേട് താലൂക്ക് ആശുപത്രിയിൽ ചികിത്സയിലാണ്. ബാക്കി നാല് പേർക്ക് പ്രാഥമിക ചികിത്സ നൽകിയ ശേഷം സംഘത്തോടൊപ്പം വിട്ടു. വിഷുവിനോട് അനുബന്ധിച്ചാണ് ഇവർ ശബരിമലയിലേക്ക് യാത്ര പുറപ്പെട്ടത്.
Discussion about this post