ഇന്ത്യൻ സിനിമകളുടെ ഭാഗമാകാൻ തനിക്ക് താത്പര്യമുണ്ടെന്ന വെളിപ്പെടുത്തലുമായി പാകിസ്കാൻ താരം സജൽ അലി. എന്നാൽ അതിന് സാധിക്കുമോ എന്ന് തനിക്ക് അറിയില്ലെന്നും താരം പറഞ്ഞു. ബോളിവുഡ് താരം ശ്രീദേവിയെക്കുറിച്ചും സജൽ പരാമർശം നടത്തി.
ശ്രീദേവി ജിയുമായി തനിക്ക് അടുത്ത ബന്ധമുണ്ടായിരുന്നു. ഇതുവരെ താനത് വെളിപ്പെടുത്തിയിട്ടില്ല. അവർ തനിക്ക് അമ്മയെ പോലെയാണ്. ഇന്ത്യയിലേക്ക് ഷൂട്ടിംഗിനായി വന്നപ്പോൾ തന്റെ അമ്മ ശ്രീദേവിയെ കണ്ടിരുന്നു. ആ സിനിമയുടെ റിലീസിന് തൊട്ടു മുൻപാണ് അമ്മ മരിച്ചത്. പിന്നാലെ ശ്രീദേവിയും നമ്മെ വിട്ട് പോയി. അവർക്ക് ഞാൻ മകളെപ്പോലെയായിരുന്നു. മണിക്കൂറുകളോളം നേരം ഞങ്ങൾ ഫോണിൽ സംസാരിക്കാറുണ്ടായിരുന്നു എന്നും സജൽ അലി വെളിപ്പെടുത്തി.
കൂടുതൽ ഇന്ത്യൻ സിനിമകളുടെ ഭാഗമാകണമെന്നാണ് തന്റെ ആഗ്രഹം. ഇന്ത്യയിൽ സ്വന്തമായി ഒരു വീട് വേണമെന്ന് ആഗ്രഹമുണ്ട്. എന്നാൽ തനിക്ക് അത് സാധിക്കുമെന്ന് തോന്നുന്നില്ല എന്നും സജൽ പറഞ്ഞു.
