എന്തുകൊണ്ട് ഈ ക്രൂരത,പിണറായി വിജയൻ സർ? ചോദ്യവുമായി നടി ഖുശ്ബു

കൊല്ലം: കൊട്ടിയത്ത് സൈനികനെ കേരള പോലീസ് ക്രൂരമായി ഉപദ്രവിച്ച് അറസ്റ്റ് ചെയ്യുന്നതിന്റെ വീഡിയോ പങ്കുവച്ച് കേരള മുഖ്യന്ത്രിയ്ക്ക് മുമ്പിൽ ചോദ്യങ്ങൾ നിരത്തി ബിജെപി നേതാവും വനിതാ ദേശീയ കമ്മീഷൻ അംഗവുമായ ഖുശ്ബു സുന്ദർ.

ഒരു പ്രാദേശിക വിഷയത്തിന്റെ പേരിൽ ഒരു സൈനികനെ ബലപ്രയോഗത്തിലൂടെ അറസ്റ്റ് ചെയ്യുന്ന കേരള പൊലീസ്. മദ്രാസ് റെജിമെൻറിലെ നായിക് കിരൺ കുമാറിനെ ഇത്തരത്തിൽ ക്രൂരമായ രീതിയിലാണ് കേരള പൊലീസ് കസ്റ്റഡിയിൽ എടുത്തത്. എന്തുകൊണ്ട് ഈ ക്രൂരത, പിണറായി വിജയൻ സർ?, മുഖ്യമന്ത്രി പിണറായി വിജയനെ ടാഗ് ചെയ്തുകൊണ്ട് ഖുശ്്ബു ട്വീറ്റ് ചെയ്തു.

Kerala police manhandling and arresting an Indian Army Soldier based on a local issue. Naik Kiran Kumar of Madras regiment taken to custody in this brutal manner by Kerala police. Why this brutality @pinarayivijayan Sir?? pic.twitter.com/BLyDX8Xuly

— KhushbuSundar (Modi ka Parivaar) (@khushsundar) April 17, 2023

കിരൺ കുമാർ ഉൾപ്പെട്ട പരാതി അന്വേഷിക്കാനെത്തിയ തങ്ങളെ അദ്ദേഹം ആക്രമിക്കുകയായിരുന്നുവെന്നാണ് പോലീസിന്റെ വാദം.എന്നാൽ, ഉറങ്ങിക്കിടക്കുകയായിരുന്ന സൈനികനെ പോലീസ് ക്രൂരമായി മർദ്ദിക്കുകയായിരുന്നുവെന്നാണ് കുടുംബത്തിന്റെ ആരോപണം.കിരൺകുമാറിനെ കൈ കെട്ടിയിട്ടാണ് പോലീസ് കീഴ്‌പ്പെടുത്തിയത്. സൈനികനേയും അച്ഛനേയും പോലീസ് അറസ്റ്റ് ചെയ്തു. സംഘർഷത്തിനിടെ എസ് ഐയ്ക്കും സൈനികന്റെ അമ്മയ്ക്കും പരിക്കേറ്റു.