പനജി: ഇന്ത്യയുടെ കൊവിഡ് വാക്സിൻ നയത്തെ പ്രശംസിച്ച് യുനിസെഫ് ആരോഗ്യ ഉപദേഷ്ടാവ് കാരിൻ കല്ലെൻഡർ. ജി20 ഹെൽത്ത് വർക്കിംഗ് ഗ്രൂപ്പ് യോഗത്തിന് ഗോവയിൽ എത്തിയതായിരുന്നു കല്ലെൻഡർ. ഇന്ത്യയുടെ കൊവിഡ് നയം അതുല്യമാണെന്ന് അവർ പറഞ്ഞു.
ഇത്രയധികം ജനങ്ങളിലേക്ക് കൊവിഡ് വാക്സിൻ എത്തിക്കുക മാത്രമല്ല, വാക്സിൻ വിതരണത്തിന് കൃത്യമായി സാങ്കേതിക വിദ്യകൾ ഉപയുക്തമാക്കാനും ഇന്ത്യക്ക് സാധിച്ചു. ജനങ്ങൾക്ക് മികച്ച സേവനം കൃത്യസമയത്ത് ലഭ്യമാക്കുവാനും അതിനെ കൃത്യമായി നിരീക്ഷിച്ച് വിശകലനം ചെയ്യാനും ഇന്ത്യക്ക് സാധിച്ചുവെന്നും കല്ലെൻഡർ പറഞ്ഞു.
കൊവിഡിനെതിരായ പോരാട്ടം ആരംഭിക്കാനുള്ള സൗകര്യങ്ങൾ കൃത്യമായി ഒരുക്കാൻ ഇന്ത്യക്ക് സാധിച്ചു. ഇന്ത്യക്ക് വ്യക്തമായ കൊവിഡ് നയം മാത്രമല്ല, ഡാറ്റ സുരക്ഷാ നയങ്ങളും ഉണ്ടായിരുന്നു. എന്നാൽ മിക്ക രാജ്യങ്ങൾക്കും അത്തരം സൗകര്യങ്ങൾ ഉണ്ടായിരുന്നില്ല എന്ന് മാത്രമല്ല, അവർക്കെല്ലാം ഒന്നുമില്ലായ്മയിൽ നിന്നാണ് ആരംഭിക്കേണ്ടിയിരുന്നതെന്നും അവർ പറഞ്ഞു.
ഇന്ത്യയിൽ നിന്നും നമുക്ക് ഒരുപാട് പഠിക്കാനുണ്ട്. ആരോഗ്യ മേഖലയിൽ ഇന്ത്യ സാങ്കേതിക വിദ്യകളെ എങ്ങനെ ഫലപ്രദമായി ഉപയോഗിച്ചു എന്നത് മറ്റ് രാജ്യങ്ങൾ പഠന വിധേയമാക്കണമെന്നും യുനിസെഫ് ആരോഗ്യ ഉപദേഷ്ടാവ് കാരിൻ കല്ലെൻഡർ പറഞ്ഞു.
Discussion about this post