രാത്രിയില് വളര്ത്തുപട്ടിയുടെ കുര കേട്ടാണ് കാനഡ സ്വദേശിനിയായ ഷാരോണ് റോസല് എഴുന്നേറ്റത്. പുറത്ത് ചെന്ന് നോക്കിയപ്പോള് കണ്ടത് ഒട്ടും പ്രതീക്ഷിക്കാത്ത കാഴ്ചയാണ്. ആരോ കാറിന്റെ ഡോര് തുറന്നിരിക്കുന്നു. പക്ഷേ അത് ഒരു മനുഷ്യനായിരുന്നില്ല. കഴികകാനും കുടിക്കാനും എന്തെങ്കിലും കിട്ടുമോ എന്നന്വേഷിച്ച് വീട്ടിലെത്തിയ ഒരു കരടിയായിരുന്നു.
രാത്രി മൂന്നുമണിയോടെയാണ് റോസല് പട്ടിയുടെ കുര കേട്ട് എഴുന്നേറ്റത്. പുറത്തുചെന്ന് നോക്കിയപ്പോള് ഒരു കറുത്ത കരട് കാറിന്റെ പൊട്ടിയ ചില്ലുകള്ക്കിടയില് നില്ക്കുന്നു. അതിനോടകം തന്നെ കാറിലുണ്ടായിരുന്ന 72 സോഡക്കുപ്പികളില് 62 കുപ്പി സോഡ കരടി അകത്താക്കിയിരുന്നുവെന്ന് റോസല് പറയുന്നു. വീടിന്റെ ബാല്ക്കണിയില് നിന്നുകൊണ്ട് തണുത്ത വെള്ളം സ്േ്രപ ചെയ്ത് കരടിയെ ഓടിക്കാന് ശ്രമിച്ചെങ്കിലും ഫലം കണ്ടില്ല. പിന്നീട് താനൊരു കരടിപിടിത്തക്കാരിയെണെന്നൊക്കെ പറഞ്ഞ് പേടിപ്പിച്ചുനോക്കിയെങ്കിലും കരടി അനങ്ങിയില്ലെന്ന് റോസല് പറഞ്ഞു. വേറൊരു രക്ഷയുമില്ലാതെ അത് കാറ് നശിപ്പിക്കുന്നത് കണ്ടുനില്ക്കേണ്ടി വന്നുവെന്ന് റോസല് സിബിസി ന്യസിനോട് പറഞ്ഞു.
രാത്രി കരടി വീട്ടിലും കാറിലും നടത്തിയ പരാക്രമങ്ങളും രാവിലെ അതിന്റെ ബാക്കിപത്രമായി അവശേഷിച്ച സോഡക്കുപ്പികളുമെല്ലാം റോസല് ഫോട്ടോ എടുത്തുവെച്ചിട്ടുണ്ട്. കരടിയുടെ ആ അസാധാരണ പ്രവൃത്തി കണ്ട് അത്ഭുതപ്പെട്ടിരിക്കുകയാണ് സോഷ്യല് മീഡിയ ഉപയോക്താക്കള്. എന്തായാലും മധുരക്കൊതിയനായ കരടിക്ക് സോഡയുടെ രുചി ഇഷ്ടപ്പെട്ടതിനാല് സമീപവാസികള് ജാഗ്രതയിലാണ്.
Discussion about this post