ഇസ്ലാമാബാദ് : ആപ്പിൾ കമ്പനിയുടെ രണ്ട് റീടെയിൽ സ്റ്റോറുകൾ ഇന്ത്യയിൽ ആരംഭിച്ചിരിക്കുകയാണ്. കമ്പവി സിഇഒ ടിം കുക്ക് നേരിട്ടെത്തി പരിപാടിയിൽ പങ്കെടുക്കുകയും പ്രധാനമന്ത്രിയുമായി കൂടിക്കാഴ്ച നടത്തി രാജ്യത്ത് നിക്ഷേപം നടത്താനുള്ള ആഗ്രഹം പ്രകടിപ്പിക്കുകയും ചെയ്തിരുന്നു. ഇത് ലോകശ്രദ്ധയാകർഷിച്ചുകഴിഞ്ഞു.
ഇതിന് പിന്നാലെ ഇന്ത്യയുടെ വികസന പ്രവർത്തനങ്ങളിൽ പ്രതികരിച്ചുകൊണ്ട് പാകിസ്താനികളും രംഗത്തെത്തുകയാണ്. പാകിസ്താന്റെ ഈ അവസ്ഥയ്ക്ക് കാരണം സർക്കാരാണെന്ന് ചിലർ കുറ്റപ്പെടുത്തുമ്പോൾ, രാജ്യത്തെ കർശനമായ നിയമങ്ങൾ വിദേശ നിക്ഷേപകരെ അകറ്റിനിർത്തുകയാണെന്ന് മറ്റ് ചിലർ കരുതുന്നു.
*Left: Tim Cook CEO Apple today inaugurating Apple store in India; Right: Chinese arrested for alleged blasphemy in Pakistan. Welcome foreign investors!* pic.twitter.com/3Xdymp4vcP
— usman khan (@DocUsmankhan) April 19, 2023
കൺസൾട്ടന്റ് സർജനും വിസിറ്റിംഗ് അസോസിയേറ്റ് പ്രൊഫസറുമായ ഉസ്മാൻ ഖാൻ ഇന്ത്യയുടെയും പാകിസ്താന്റെയും രണ്ട് വ്യത്യസ്ത ചിത്രങ്ങൾ പോസ്റ്റ് ചെയ്തിരിക്കുകയാണ്. ഇന്ത്യയിൽ ആപ്പിളിന്റെ റീട്ടെയിൽ സ്റ്റോർ സിഇഒ ടിം കുക്ക് ഉദ്ഘാടനം ചെയ്യുന്നതാണ് ഒരു ചിത്രം. മതനിന്ദ ആരോപിച്ച് ഒരു ചൈനക്കാര പാകിസ്താനിൽ അറസ്റ്റിലാകുന്നതാണ് അടുത്ത ചിത്രം. വിദേശ നിക്ഷേപകരെ സ്വാഗതം എന്ന് രണ്ട് ചിത്രങ്ങൾ പങ്കുവെച്ചുകൊണ്ട് അദ്ദേഹം ട്വീറ്റ് ചെയ്തു.
*Left: Tim Cook CEO Apple today inaugurating Apple store in India; Right: Chinese arrested for alleged blasphemy in Pakistan. Welcome foreign investors!* pic.twitter.com/p6ceICmNRC
— Amanullah Kanrani (@amankanrani1) April 21, 2023
2003 മുതൽ 2006 വരെ പാകിസ്താൻ സെനറ്റ് അംഗമായ അമാനുല്ല കൻറാനിയും ഈ ചിത്രം പങ്കുവെച്ചിട്ടുണ്ട്. ഈ ട്വീറ്റിന് പ്രതികരണവുമായി നിരവധി പേർ രംഗത്തെത്തിയിട്ടുണ്ട്.
Discussion about this post