കൊല്ലം: മൾട്ടിപ്ലക്‌സിൽ സിനിമ കാണാനെത്തിയ യുവാവ് തിയേറ്റർ ജീവനക്കാരനെ കുത്തിപ്പരിക്കേൽപ്പിച്ചു. കരുനാഗപ്പള്ളി കാർണിവൽ സിനിമാസിലാണ് സംഭവം. പ്രതി മുഹമ്മദ് ആഷിഖിനെ (26) പോലീസ് അറസ്റ്റ് ചെയ്തു.
മറ്റൊരാൾ ബുക്ക് ചെയ്ത സീറ്റിൽ ആഷ്ഖ് ഇരിക്കാൻ ശ്രമിച്ചതാണ് പ്രശ്‌നങ്ങൾക്ക് തുടക്കം. ഇത് ശ്രദ്ധയിൽപ്പെട്ട ജീവനക്കാർ സ്വന്തം സീറ്റിൽ ഇരിക്കാൻ ആവശ്യപ്പെട്ടു. ഇതോടെ ആഷിഖ് പ്രകോപിതനായി. യുവാവും തിയേറ്റർ ജീവനക്കാരും തമ്മിൽ വാക്കേറ്റമായി.വാക്കുതർക്കത്തിനൊടുവിൽ കത്തിയെടുത്ത് തിയറ്ററിലെ ഡ്യൂട്ടി ഓഫിസർ സജിത്തിനെ കുത്തുകയായിരുന്നു. തടയാൻ ശ്രമിച്ച തിയറ്റർ ജീവനക്കാരായ അനീഷ്, അഭിജിത്, അഖിൽ എന്നിവർക്കും കുത്തേറ്റു.
സ്ഥലത്തെത്തിയ പോലീസ് ആഷിഖിനെ കീഴ്‌പ്പെടുത്തി കസ്റ്റഡിയിലെടുക്കുകയായിരുന്നു. ആഷിഖിനെതിരെ വധശ്രമത്തിന് ഐപിസി 307 പ്രകാരമാണ് കേസെടുത്തത്.
Discussion about this post