ഡല്‍ഹി: അഴിമതി വിരുദ്ധ ബില്ലായ ജന്‍ ലോക്പാലിന് ഡല്‍ഹി മന്ത്രിസഭ അംഗീകാരം നല്‍കി. ബില്‍ അടുത്തുതന്നെ നിയമസഭയില്‍ അവതരിപ്പിച്ചേക്കും. ജന്‍ ലോക്പാലിനായി രാജ്യതലസ്ഥാനം സ്തംഭിപ്പിച്ചുകൊണ്ട് അതിശക്തമായ പ്രക്ഷോഭങ്ങള്‍ അരങ്ങേറിയിരുന്നു. ആയിരക്കണക്കിനാളുകള്‍ 2011 മുതല്‍ തുടര്‍ന്നു വന്ന പ്രക്ഷോഭങ്ങള്‍ക്കാണ് ഇതോടെ സാക്ഷാത്കാരമായിരിക്കുന്നത്.
അധികാരത്തിലെത്തിയാല്‍ ജന്‍ ലോക്പാല്‍ ബില്‍ പാസാക്കുമെന്നതായിരുന്നു നിയമസഭാ തെരഞ്ഞെടുപ്പിലെ ആം ആദ്മി പാര്‍ട്ടിയുടെ പ്രധാന വാഗ്ദാനം. ചരിത്രപരമായ ഡല്‍ഹി ജന്‍ ലോക്പാല്‍ ബില്‍ മന്ത്രിസഭ അംഗീകരിച്ചിരിക്കുന്നു. ബില്ല് യാഥാര്‍ത്ഥ്യമാവാന്‍ പ്രയത്‌നിച്ച എല്ലാവര്‍ക്കും അഭിനന്ദനങ്ങള്‍ ഉപമുഖ്യമന്ത്രി മനീഷ് സിസോദിയ ട്വിറ്ററില്‍ രേഖപ്പെടുത്തി.
Discussion about this post