അക്ഷയ് കുമാര്, ടൈഗര് ഷ്രോഫ്,പൃഥ്വിരാജ് എന്നിവർ പ്രധാന കഥാപാത്രങ്ങളാക്കുന്ന അലി അബ്ബാസ് സഫര് സംവിധാനം ചെയ്ത ബഡേ മിയാന്, ഛോട്ടേ മിയാന് എന്ന ചിത്രത്തിന്റെ റിലീസ് പ്രഖ്യാപിച്ചു. 2024 ഈദ് റിലീസായി ഏപ്രില് പത്തിനോ പതിനൊന്നിനോ ആയിരിക്കും ചിത്രത്തിന്റ റിലീസ്.
യൂറോപ്പും യുഎഇയുമൊക്കെ ലൊക്കേഷനുകള് ആയിരുന്ന ചിത്രത്തിന്റെ ഷൂട്ടിംഗ് ഇതിനകം പൂര്ത്തിയായിട്ടുണ്ട്. അക്ഷയ് കുമാറിന്റെയും ടൈഗര് ഷ്രോഫിന്റെയും കഥാപാത്രങ്ങളുടെ ചിത്രങ്ങള് പങ്കുവച്ചുകൊണ്ടാണ് നിര്മ്മാതാക്കള് റിലീസ് തീയതി അറിയിച്ചിരിക്കുന്നത്.
അതേസമയം ആക്ഷന് കോമഡി വിഭാഗത്തില് പെടുന്ന ചിത്രത്തില് പൃഥ്വിരാജ് ആണ് പ്രതിനായക കഥാപാത്രത്തെ അവതരിപ്പിക്കുന്നത്. കബീര് എന്നാണ് ചിത്രത്തില് പൃഥ്വിരാജ് അവതരിപ്പിക്കുന്ന കഥാപാത്രത്തിന്റെ പേര്.
ഹിന്ദിയില് പൃഥ്വിരാജിന്റെ നാലാമത്തെ ചിത്രമാണിത്. അയ്യാ, ഔറംഗസേബ്, നാം ഷബാന എന്നിവയാണ് ബോളിവുഡില് പൃഥ്വിയുടെ മുന് ചിത്രങ്ങള്. ജാക്കി ഭഗ്നാനിയും ദീപ്ശിഖ ദേശ്മുഖും ചേര്ന്ന് നിര്മ്മിക്കുന്ന ചിത്രത്തില് സൊനാക്ഷി സിന്ഹയും മാനുഷി ഛില്ലാറും അലയ എഫും രണ്ട് പ്രധാന കഥാപാത്രങ്ങളെ അവതരിപ്പിക്കുന്നുണ്ട്
Discussion about this post