ബംഗളൂരു: കർണാടക തിരഞ്ഞെടുപ്പിന്റെ അന്തിമ ഫലം പുറത്തുവന്നതിന് പിന്നാലെ വിജയിച്ച കോൺഗ്രസിനെ അഭിനന്ദിച്ച് പ്രധാനമന്ത്രി നരേന്ദ്ര മോദി. ജനങ്ങളുടെ ആഗ്രഹങ്ങൾ പൂർത്തീകരിക്കാൻ കോൺഗ്രസിന് എല്ലാവിധ ഭാവുകങ്ങളും നേരുന്നുവെന്ന് പ്രധാനമന്ത്രി പറഞ്ഞു. സംസ്ഥാനത്ത് ബിജെപി നടത്തിയ തിരഞ്ഞെടുപ്പ് പ്രവർത്തനങ്ങളെ അഭിനന്ദിച്ച പ്രധാനമന്ത്രി വോട്ട് ചെയ്ത ജനങ്ങൾക്ക് നന്ദി പറഞ്ഞു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
കർണാടക തിരഞ്ഞെടുപ്പിൽ വിജയിച്ച കോൺഗ്രസ് പാർട്ടിയ്ക്ക് അഭിനന്ദനങ്ങൾ. ജനങ്ങളുടെ അഭിലാഷങ്ങൾ പൂർത്തീകരിക്കാൻ കോൺഗ്രസിന് കഴിയട്ടെ. ഇതിനായി ആശംസിക്കുന്നു. തിരഞ്ഞെടുപ്പിൽ ബിജെപിയെ പിന്തുണച്ച വോട്ടർമാർക്ക് നന്ദി അറിയിക്കുന്നു. മികച്ച തിരഞ്ഞെടുപ്പ് പ്രവർത്തനങ്ങൾ കാഴ്ചവച്ച ബിജെപി കാര്യകർത്താക്കൾക്ക് അഭിനന്ദനങ്ങൾ. വരും ദിവസങ്ങളിൽ കൂടുതൽ ഉന്മേശത്തോടെ കർണാടകയിലെ ജനങ്ങളെ സേവിക്കുമെന്നും അദ്ദേഹം വ്യക്തമാക്കി.
കർണാടക തിരഞ്ഞെടുപ്പിൽ 120ലധികം സീറ്റുകളാണ് കോൺഗ്രസ് നേടിയത്. 60 ലധികം സീറ്റുകൾ ബിജെപിയ്ക്ക് ലഭിച്ചു.
Discussion about this post