എറണാകുളം: ദീർഘനാളത്തെ കയറ്റത്തിന് ശേഷം തുടർച്ചയായി തിരിച്ചിറങ്ങി സംസ്ഥാനത്തെ സ്വർണ വില. ഇന്നും വില കുറഞ്ഞു. ഇന്ന് ഗ്രാമിന് 80 രൂപയുടെ കുറവാണ് ഉണ്ടായിട്ടുള്ളത്.
നിലവിൽ സ്വർണം ഗ്രാമിന് 5555 രൂപ എന്ന നിലയിലാണ് വ്യാപാരം പുരോഗമിക്കുന്നത്. 44,440 രൂപയാണ് ഒരു പവന്റെ വില. ഒരു പവൻ സ്വർണത്തിന് 560 രൂപയുടെ കുറവാണ് ഇന്ന് ഉണ്ടായിരിക്കുന്നത്. ഇതോടെ സ്വർണവില ഈ മാസത്തെ ഏറ്റവും കുറഞ്ഞ നിരക്കിൽ എത്തി.
ഈ മാസം ആദ്യം 44,560 ആയിരുന്നു ഒരു പവൻ സ്വർണത്തിന്റെ വില. പിന്നീട് തുടർച്ചയായി വില വർദ്ധിച്ച് 45,760 രൂപയിലേക്ക് ഉയർന്നിരുന്നു. സർവ്വകാല റെക്കോർഡിൽ എത്തിയ സ്വർണ വിലയിൽ പിന്നീട് ചാഞ്ചാട്ടമുണ്ടായി. ഇതിന് പിന്നാലെ കഴിഞ്ഞ മൂന്ന് ദിവസങ്ങളിൽ സ്വർണ വില തുടർച്ചയായി കുറയുകയായിരുന്നു. കഴിഞ്ഞ മൂന്ന് ദിവസത്തിനിടെ 300 രൂപയുടെ കുറവാണ് സ്വർണ വിലയിൽ ഉണ്ടായിട്ടുള്ളത്.
അന്താരാഷ്ട്ര വിപണിയിൽ ഉണ്ടായ തകർച്ചയാണ് സംസ്ഥാനത്തെ സ്വർണ വിലയെ ബാധിച്ചിരിക്കുന്നത് എന്നാണ് വിവരം. വരും ദിവസങ്ങളിലും സ്വർണവിലയിൽ കുറവ് ഉണ്ടായേക്കും. അതേസമയം വില കുറയുന്ന ഈ ദിനങ്ങൾ ഉപഭോക്താക്കൾ പരമാവധി പ്രയോജനപ്പെടുത്തുകയാണ്. കഴിഞ്ഞ മൂന്ന് ദിവസമായി സ്വർണക്കടകളിൽ വലിയ തിരക്കാണ് അനുഭവപ്പെടുന്നത് എന്നാണ് വിവരം.
Discussion about this post