കൊച്ചി : നടൻ കസാൻ ഖാൻ അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. സിഐഡി മൂസ, വർണ്ണപ്പകിട്ട്, തുടങ്ങിയ മലയാള സിനിമകളിലൂടെ ശ്രദ്ധനേടിയ നടനാണ് കസാൻ ഖാൻ. പ്രൊഡക്ഷൻ കൺട്രോളറും നിർമാതാവുമായ എൻ.എം ബാദുഷയാണ് മരണ വിവരം പുറത്തുവിട്ടത്.
വില്ലൻ വേഷങ്ങളിലൂടെയാണ് മലയാള സിനിമയിൽ അദ്ദേഹം ശ്രദ്ധേയനായത്. 1992 ൽ പുറത്തിറങ്ങിയ സെന്തമിഴ് പാട്ട് എന്ന തമിഴ്ചിത്രത്തിലൂടെയാണ് കസാൻ ഖാൻ അഭിനയരംഗത്തെത്തുന്നത്. തമിഴിലും കന്നടയിലുമായി അൻപതോളം സിനിമകളിൽ വേഷമിട്ടു.
ഗാന്ധർവ്വം, ദ കിംഗ്, മായാമോഹിനി, രാജാധിരാജ, ഇവൻ മര്യാദരാമൻ തുടങ്ങിയവയാണ് മലയാളത്തിൽ കസാൻ ഖാൻ വേഷമിട്ട മറ്റ് ചിത്രങ്ങൾ.
Discussion about this post